ٹھنڈا پانی پینے کے متعدد نقصانات ہیں جو انسانی صحت پر گہرا اثر ڈال سکتے ہیں۔ درج ذیل پانچ بڑے نقصانات قابل ذکر ہیں۔
نظام ہاضمہ کی خرابی
ٹھنڈا پانی پینے سے خون کی شریانیں سکڑ جاتی ہیں جس کے نتیجے میں ہاضمے کا عمل سست ہو جاتا ہے۔ یہ نظام ہضم کو شدید متاثر کرتا ہے اور کھانے کو صحیح طریقے سے ہضم ہونے نہیں دیتا، جس سے جسم ضروری غذائی اجزاء سے محروم ہو جاتا ہے۔
قوت مدافعت میں کمی
کھانے کے بعد ٹھنڈا پانی پینا جسم میں بلغم کی زیادتی کا سبب بنتا ہے، جو قوت مدافعت کو کمزور کرتا ہے اور وائرل انفیکشنز جیسے نزلہ زکام کو فروغ دیتا ہے۔
گلے اور پھیپھڑوں کی بیماریاں
ٹھنڈا پانی گلے میں سوزش پیدا کر سکتا ہے جس سے کھانسی اور گلے کے مسائل بڑھ سکتے ہیں۔ یہ پھیپھڑوں سے متعلقہ امراض کا بھی باعث بن سکتا ہے۔
ہڈیوں کے مسائل
ٹھنڈا پانی جسم کے درجہ حرارت کو کم کرتا ہے جس سے ہڈیوں اور جوڑوں میں ٹھنڈک پیدا ہوتی ہے، جس سے جوڑوں کے درد اور دیگر ہڈیوں کی بیماریوں کا خطرہ بڑھ جاتا ہے۔
وزن میں اضافہ
ٹھنڈا پانی پینے سے جسم کی کیلوریز ختم ہونے کا عمل سست ہو جاتا ہے، جس کے نتیجے میں وزن میں اضافہ ہو سکتا ہے۔
یہ تمام عوامل ظاہر کرتے ہیں کہ ٹھنڈا پانی پینے کے بجائے نیم گرم یا سادہ پانی زیادہ مفید ہے۔
