راولپنڈی پولیس نے سانحہ مری کے دوران سیاحوں کی گاڑیوں کو برف پھینک کر مصنوعی پھسلن میں پھنسا کر رقم بٹورنے کے الزام میں ملزم ثاقب عباسی کو گرفتار کر لیا ہے۔
حاصل کردہ تفصیلات کے مطابق ملزم کو مری میں سڑکوں پر برف پھینکنے اور سیاحوں سے مدد کے بہانے پیسے بٹورنے پر گرفتار کیا گیا۔
یہ بھی پڑھیں | مری میں دو سالوں سے روڈ ریپئیر نہیں کئے گئے تھے
پولیس کا کہنا ہے کہ ملزم ثاقب عباسی کو سیاحوں کے اشارے پر گرفتار کیا گیا۔ پولیس نے اس کی جیپ بھی اپنے قبضے میں لے لی ہے۔
راولپنڈی کے سی پی او ساجد کیانی نے کہا کہ ملزمان کے دیگر ساتھیوں اور سہولت کاروں کو بھی جلد گرفتار کر لیا جائے گا۔
یاد رہے کہ سی پی او ساجد کیانی نے سیاحوں کی شکایات کا نوٹس لیتے ہوئے ملزمان کی گرفتاری کا حکم دیا تھا۔
