Infinix نے اپنی گیمنگ ڈیوائسز کی لائن اپ میں دو نئی طاقتور ڈیوائسز شامل کر لی ہیں Infinix GT 30 Pro گیمنگ اسمارٹ فون اور Infinix Xpad GT گیمنگ ٹیبلیٹ۔ یہ دونوں ڈیوائسز ہائی ریفریش ریٹ ڈسپلے گیمرز کے لیے مخصوص فیچرز اور زبردست کارکردگی فراہم کرتی ہیں وہ بھی ایک درمیانی قیمت میں۔
Infinix GT 30 Pro کی خصوصیات
GT 30 Pro ایک طاقتور گیمنگ اسمارٹ فون ہے جس میں Android 15 اور XOS 15 شامل ہے۔ اس کا ڈیزائن پتلا اور جدید ہے جس کا وزن صرف 189 گرام ہے۔ اس میں 6.78 انچ کا AMOLED ڈسپلے ہے جو 144Hz ریفریش ریٹ کے ساتھ آتا ہےاور Gorilla Glass 7i سے محفوظ کیا گیا ہے۔
اس فون میں MediaTek Dimensity 8350 Ultimate چپ سیٹ موجود ہے جو 4nm ٹیکنالوجی پر مبنی ہے۔ پروسیسر آٹھ کور پر مشتمل ہے جن کی رفتار 3.35GHz تک ہے اور گرافکس کے لیے Mali-G615 MC6 جی پی یو دیا گیا ہے۔
ر یم اور اسٹوریج کے لحاظ سے یہ فون دو ورژنز میں دستیاب ہے: 8GB ریم اور 256GB اسٹوریج یا 12GB ریم اور 512GB اسٹوریج، دونوں ہی UFS 4.0 ٹیکنالوجی پر مبنی ہیں۔ فون میں میموری کارڈ سپورٹ موجود نہیں ہے۔
کیمرا سیٹ اپ میں 108 میگا پکسل کا مین کیمرا اور 8 میگا پکسل کا الٹرا وائیڈ لینس شامل ہے، جو 4K ویڈیو ریکارڈنگ کی صلاحیت رکھتا ہے۔ فرنٹ کیمرا 13 میگا پکسل کا ہے جو 4K ویڈیو کو بھی سپورٹ کرتا ہے۔
بیٹری 5500 mAh کی ہے، جس میں 45W وائرڈ اور 30W وائرلیس چارجنگ کے ساتھ ریورس چارجنگ کا فیچر بھی موجود ہے۔ آڈیو JBL کے ذریعے ٹیون کی گئی ہے اور ہائی ریز آڈیو کے ساتھ اسٹیریو اسپیکرز موجود ہیں۔ مزید خصوصیات میں RGB لائٹس، گیمنگ ٹریگرز، IP64 ریٹنگ، اور انڈر ڈسپلے فنگر پرنٹ سینسر شامل ہیں۔
Infinix GT 30 Pro کی قیمتیں پاکستان میں
8GB ریم اور 256GB اسٹوریج: تقریباً 1,09,999 روپے
12GB ریم اور 256GB اسٹوریج: تقریباً 80,500 روپے
12GB ریم اور 512GB اسٹوریج: تقریباً 93,000 روپے
Infinix Xpad GT کی خصوصیات
Infinix Xpad GT ایک گیمنگ ٹیبلیٹ ہے جس میں Android 15 اور XOS 15 شامل ہے۔ اس میں Qualcomm Snapdragon 888 5G چپ سیٹ ہے جو 5nm ٹیکنالوجی پر مبنی ہے۔ پروسیسر 2.84GHz کی رفتار کے ساتھ آٹھ کور پر مشتمل ہے اور گرافکس کے لیے Adreno 660 جی پی یو دیا گیا ہے۔
ڈسپلے 13.0 انچ کا IPS LCD ہے جس کی ریزولوشن 2880×1840 پکسلز ہے اور یہ HDR10 اور 144Hz ریفریش ریٹ کو سپورٹ کرتا ہے۔ اس کی موٹائی صرف 6.5 ملی میٹر ہے اور وزن 655 گرام ہے، جس میں ایلومینیم فریم اور بیک استعمال کی گئی ہے۔
کیمرا میں 13 میگا پکسل کا ریئر کیمرا آٹو فوکس اور ایل ای ڈی فلیش کے ساتھ ہے جبکہ فرنٹ کیمرا 9 میگا پکسل کا ہے۔ اس ٹیبلیٹ میں 8GB ریم اور 256GB اسٹوریج ہے، اور میموری کارڈ سپورٹ موجود نہیں۔
بیٹری 10000 mAh کی ہے جس کے ساتھ 33W وائرڈ چارجنگ سپورٹ موجود ہے۔ اس میں 8 اسٹیریو اسپیکرز شامل ہیں لیکن 3.5mm ہیڈفون جیک نہیں دیا گیا۔ اس ٹیبلیٹ میں اسٹائلس سپورٹ بھی موجود ہے، لیکن سیلولر کنیکٹیویٹی موجود نہیں ہے۔ دیگر کنیکٹیویٹی فیچرز میں WiFi، Bluetooth، USB-C، اور FM ریڈیو شامل ہیں۔
Infinix Xpad GT کی قیمت پاکستان میں
8GB ریم اور 256GB اسٹوریج ورژن: تقریباً 1,10,250 روپے
GT 30 Pro بمقابلہ Xpad GT
GT 30 Pro ایک اسمارٹ فون ہے جو گیمنگ کے لیے ڈیزائن کیا گیا ہے اور 5G کنیکٹیویٹی، طاقتور کیمرہ سیٹ اپ، RGB لائٹس، اور گیمنگ ٹریگرز جیسی خصوصیات کے ساتھ آتا ہے۔ دوسری طرف Xpad GT ایک بڑی اسکرین والا گیمنگ ٹیبلیٹ ہے جس میں سٹائلس سپورٹ، زبردست اسپیکر سسٹم، اور بڑی بیٹری شامل ہے، لیکن اس میں کوئی سیلولر کنیکٹیویٹی نہیں ہے۔
لانچ کی تاریخ: Infinix GT 30 Pro اور Infinix Xpad GT
GT 30 Pro کی متوقع لانچ جولائی 2025 میں ہے جبکہ Xpad GT جون 2025 میں لانچ ہونے کی توقع ہے۔
یہ بھی پڑھیں: گوگل کا نیا ویڈیو ٹول
