پاکستان میں IELTS امتحان کے لیے رجسٹریشن کا طریقہ

اگر آپ بیرونِ ملک تعلیم حاصل کرنا چاہتے ہیں، کسی غیر ملکی کمپنی میں ملازمت کے خواہشمند ہیں یا کسی دوسرے ملک میں سیٹ ہونا چاہتے ہیں، تو ایک لازمی شرط یہ ہوتی ہے کہ آپ اپنی انگریزی زبان کی مہارت ثابت کریں۔ پاکستان میں زیادہ تر لوگ اس مقصد کے لیے IELTS ٹیسٹ دیتے ہیں۔

لیکن مسئلہ یہ ہے کہ اکثر لوگ کنفیوز ہو جاتے ہیں — کون سی ویب سائٹ پر رجسٹریشن کریں؟ کون سے کاغذات درکار ہیں؟ فیس کب اور کیسے ادا کرنی ہے؟ میں نے خود کئی طلبہ کو اسی مرحلے پر رُکتے دیکھا ہے۔ اسی لیے میں نے سوچا کہ آپ کے لیے پورا IELTS رجسٹریشن کا عمل ایک ہی جگہ، آسان الفاظ میں بیان کر دوں تاکہ آپ کا وقت ضائع نہ ہو اور آپ بغیر کسی الجھن کے رجسٹریشن مکمل کر سکیں۔

سب سے پہلے طے کریں کہ آپ کو کون سا IELTS دینا ہے

IELTS کے مختلف اقسام ہیں، اس لیے بکنگ کرنے سے پہلے یہ ضرور دیکھیں کہ آپ کی یونیورسٹی، آجر یا ویزا آفس کون سا ٹیسٹ مانگتا ہے۔

IELTS Academic: یہ عام طور پر ان طلبہ کے لیے ہے جو انڈرگریجویٹ یا پوسٹ گریجویٹ تعلیم کے لیے درخواست دیتے ہیں۔

IELTS General: یہ ورک پرمٹ یا امیگریشن کے لیے درخواست دینے والے افراد کے لیے ہوتا ہے۔

IELTS UKVI: یہ برطانیہ کے ویزا کے لیے ضروری ہے جہاں UKVI منظور شدہ ٹیسٹ لازمی ہو۔

ٹیسٹ دینے کا طریقہ منتخب کریں

پاکستان میں IELTS صرف ایک فارمیٹ میں دیا جاتا ہے:

کمپیوٹر پر مبنی ٹیسٹ — سوالات کا جواب کمپیوٹر پر دیا جاتا ہے جبکہ اسپیکنگ ٹیسٹ رو برو لیا جاتا ہے۔

IELTS کے لیے ٹیسٹ فراہم کرنے والا منتخب کریں

پاکستان میں IELTS کے لیے دو ادارے رجسٹریشن کی سہولت فراہم کرتے ہیں:

برٹش کونسل پاکستان — مراکز لاہور، کراچی، اسلام آباد، ملتان، فیصل آباد، پشاور میں موجود ہیں۔ ویب سائٹ: www.britishcouncil.pk/exam/ielts

AEO پاکستان — دفاتر کراچی، لاہور، اسلام آباد اور دیگر شہروں میں موجود ہیں۔ ویب سائٹ: www.aeo.com.pk

جس ادارے کا سینٹر آپ کے قریب ہو اور آپ کی مطلوبہ تاریخ پر ٹیسٹ دیتا ہو، وہ منتخب کریں۔

اکاؤنٹ بنائیں اور بکنگ مکمل کریں

ٹیسٹ فراہم کرنے والے ادارے کے انتخاب کے بعد:

ان کی ویب سائٹ پر جائیں۔

آن لائن اکاؤنٹ بنائیں (CNIC یا پاسپورٹ کی تفصیل درکار ہوگی)۔

پاسپورٹ کی اسکین کاپی اپلوڈ کریں (زیادہ تر یونیورسٹیاں پاسپورٹ کو ترجیح دیتی ہیں)۔

شہر اور ٹیسٹ کی تاریخ منتخب کریں۔

فیس ادا کریں

سال 2025 میں پاکستان میں IELTS Academic یا General ٹیسٹ کی فیس تقریباً 60 ہزار سے 68 ہزار روپے کے درمیان ہے۔ IELTS UKVI کی فیس تقریباً 63 ہزار سے 68 ہزار روپے تک ہے۔

ادائیگی کے لیے دو طریقے ہیں:

ڈیبٹ یا کریڈٹ کارڈ کے ذریعے آن لائن ادائیگی۔

مخصوص بینک برانچ میں رقم جمع کروانا (ادارہ آپ کو بینک سلپ کی تفصیل دے گا)۔

ای میل میں تصدیق چیک کریں

ادائیگی کے بعد آپ کو ای میل موصول ہوگی جس میں ٹیسٹ کی تاریخ اور وقت، سینٹر کا پتہ اور ٹیسٹ کے دن کی ہدایات شامل ہوں گی۔ یہ ای میل محفوظ رکھیں، کیونکہ ٹیسٹ کے دن یہ ضروری ہوگی۔

تیاری کریں اور وقت پر پہنچیں

اپنا اصل CNIC یا پاسپورٹ لائیں (وہی شناختی کارڈ جو رجسٹریشن کے وقت استعمال کیا گیا ہو)۔

کم از کم 30 منٹ پہلے پہنچیں۔

ہر سیکشن کے لیے دی گئی ہدایات پر عمل کریں۔

پُرسکون رہیں تاکہ بہتر فوکس کر سکیں۔

مزید پڑھیں: 

عمان کا پاکستانی طلباء کے لیے مکمل فنڈڈ اسکالرشپ کا اعلان (2025–26)