حکومتِ پاکستان کے نوٹیفائیڈ وفاقی ادارے کینابس کنٹرول اینڈ ریگولیٹری اتھارٹی(CCRA) نے اوپن میرٹ کی بنیاد پر مستقل اور باقاعدہ سرکاری ملازمتوں کا باضابطہ اشتہار جاری کر دیا ہے۔ اشتہار نمبر PID(I)4173/26 کے تحت یہ بھرتیاں گریڈ 12 سے لے کر گریڈ 19 تک کے مختلف انتظامی اور تکنیکی اسکیلز پر کی جا رہی ہی۔ ان اسامیوں کے لیے ملک بھر سے اہل مرد اور خواتین امیدوار نیشنل جابز پورٹل (NJP) کے ذریعے آن لائن درخواستیں جمع کروا سکتے ہیں ۔
خالی اسامیوں اور عمر کی حد کی تفصیلی لسٹ
اتھارٹی کی جانب سے جاری کردہ کوٹے کے مطابق دستیاب اسامیاں، پے اسکیل اور بالائی عمر کی حد درج ذیل ٹیبل میں واضح کی گئی ہیں:
| اسامی کا نام (Position) | پے اسکیل (Scale) | خالی اسامیاں (Vacancies) | زیادہ سے زیادہ عمر (Max Age) |
| ایڈیشنل ڈائریکٹر (Ops & Vig) | BPS-19 | 1 | 43 سال |
| اسسٹنٹ ڈائریکٹر (Assistant Director) | BPS-17 | 2 | 33 سال |
| پرسنل اسسٹنٹ (PA) | BPS-16 | 2 | 35 سال |
| اسٹینو ٹائپسٹ (Steno-typist) | BPS-14 | 1 | 30 سال |
| کمپیوٹر آپریٹر (Computer Operator) | BPS-14 | 2 | 30 سال |
| اپر ڈویژن کلرک (UDC) | BPS-14 | 2 | 30 سال |
| ڈیٹا اینٹری آپریٹر (DEO) | BPS-12 | 1 | 30 سال |
تعلیمی قابلیت اور مطلوبہ تجربہ کے معیارِ اہلیت
کینابس ریگولیٹری اتھارٹی میں نوکریاں حاصل کرنے کے لیے ہر مخصوص گریڈ کے مطابق درج ذیل شرائط و کوائف مقرر کیے گئے ہیں:
1۔ ایڈیشنل ڈائریکٹر (BPS-19):
اس اعلٰی عہدے کے لیے درخواست گزار کے پاس ڈویلپمنٹ اسٹڈیز، پبلک پالیسی یا سوشیالوجی میں ماسٹرز ڈگری (کم از کم 3.30 CGPA) ہونی چاہیے۔ اس کے علاوہ بیچلرز کی سطح پر بوٹنی (نباتیات) اور کیمسٹری کے مضامین پڑھا ہونا لازمی ہے۔ امیدوار کے پاس کینابس (بھنگ) پالیسی، لائسنسنگ رولز اور ریگولیٹری فریم ورک کی تیاری میں 5 سالہ پیشہ ورانہ تجربے کے ساتھ ساتھ ریموٹ یا مشکل سرکاری علاقوں میں انفورسمنٹ کا تجربہ بھی ہونا ضروری ہے ۔
2۔ اسسٹنٹ ڈائریکٹر (BPS-17):
امیدوار کے پاس کریمنالوجی، پبلک ایڈمنسٹریشن، لا (قانون)، پولیٹیکل سائنس، نیچرل سائنسز، آرٹیفیشل انٹیلیجنس، فنانس، یا بزنس ایڈمنسٹریشن میں 16 سالہ بی ایس (BS) ڈگری (کم از کم سیکنڈ ڈویژن) ہونی چاہیے ۔ اس کے ساتھ 2 سال کا متعلقہ شعبے کا تجربہ درکار ہے۔
3۔ پرسنل اسسٹنٹ اور اسٹینو ٹائپسٹ (BPS-16 / BPS-14):
امیدوار کا کسی بھی ایچ ای سی (HEC) تسلیم شدہ یونیورسٹی سے کم از کم 14 سالہ گریجویٹ ہونا لازمی ہے ۔ پرسنل اسسٹنٹ کے لیے شارٹ ہینڈ کی رفتار 100 اور ٹائپنگ 50 الفاظ فی منٹ ہونی چاہیے۔ اسٹینو ٹائپسٹ کے لیے شارٹ ہینڈ 80 اور ٹائپنگ کی رفتار 40 الفاظ فی منٹ ہونا لازمی ہے۔
4۔ کمپیوٹر آپریٹر، یو ڈی سی اور ڈیٹا اینٹری آپریٹر:
کمپیوٹر آپریٹر (BPS-14): کمپیوٹر سائنس میں 14 سالہ ڈگری کے ساتھ آئی ٹی میں ڈپلومہ (DIT) ہونا ضروری ہے ۔
اپر ڈویژن کلرک (BPS-14): انٹرمیڈیٹ (سیکنڈ ڈویژن) اور بہترین ٹائپنگ اسپیڈ لازمی ہے۔
ڈیٹا اینٹری آپریٹر (BPS-12): انٹرمیڈیٹ پاس ہونے کے ساتھ کمپیوٹر پر 10,000 کی ڈپریشن فی گھنٹہ کی رفتار ہونی چاہیے۔
آن لائن اور مینوئل اپلائی کرنے کا طریقہِ کار
امیدواروں کو اس بھرتی مہم کا حصہ بننے کے لیے دوہرے طریقہ کار پر عمل کرنا ہوگا، یعنی صرف آن لائن فارم کافی نہیں ہوگا:
مرحلہ 1 (آن لائن): سب سے پہلے نیشنل جابز پورٹل کی آفیشل ویب سائٹ njp.gov.pk پر جا کر اپنا اکاؤنٹ بنائیں اور متعلقہ اسامی پر آن لائن اپلائی کریں۔
مرحلہ 2 (مینوئل ڈاک): آن لائن اپلائی کرنے کے بعد، اپنے تمام دستاویزات بشمول ایک اپڈیٹڈ سی وی (CV)، تعلیمی اسناد و ڈگریوں کی تصدیق شدہ کاپیاں، تجربہ سرٹیفکیٹس، شناختی کارڈ کی کاپی، پاسپورٹ سائز تصاویر، اور این جے پی پورٹل پر اپلائی کرنے کا پرنٹ شدہ ثبوت ایک لفافے میں بند کر کے نیچے دیے گئے پتے پر بذریعہ ڈاک/کورئیر ارسال کریں:
ڈائریکٹر جنرل، پوسٹ باکس نمبر 1341، جی پی او (GPO)، اسلام آباد۔
درخواست جمع کروانے کی آخری تاریخ لائیو پورٹل کے مطابق 20 نومبر 2026 مقرر کی گئی ہے۔ تمام وفاقی قوانین کے مطابق عمر میں عمومی رعایت فراہم کی جائے گی اور صرف شارٹ لسٹ ہونے والے امیدواروں کو ہی ٹیسٹ اور انٹرویو کے لیے بلایا جائے گا۔ پہلے سے سرکاری ملازمت کرنے والے افراد اپنے محکمے کے ذریعے این او سی (NOC) کے ساتھ اپلائی کرنے کے پابند ہیں۔
