حکومتِ پنجاب کی جانب سے صوبے کے پڑھے لکھے نوجوانوں کے لیے ایک انقلابی اور انتہائی پرکشش منصوبے کا آغاز کیا گیا ہے۔ محکمہ ماہی پروری (Fisheries Department) نے پنجاب شرمپ انٹرنشپ پروگرام (Punjab Shrimp Internship Program 2026–2027) کا باقاعدہ اعلان کر دیا ہے جس کے تحت منتخب امیدواروں کو 100,000 روپے ماہانہ وظیفہ دیا جائے گا۔ یہ پروگرام نہ صرف نوجوان گریجویٹس کو معاشی طور پر مستحکم کرے گا بلکہ انہیں ایکویکلچر (Aquaculture) اور شرمپ فارمنگ (جھینگا پروری) کی جدید ترین دنیا میں ایک بہترین کیریئر بنانے کا موقع بھی فراہم کرے گا۔
اگر آپ بھی متعلقہ شعبوں میں ڈگری رکھتے ہیں اور پاکستان کی ابھرتی ہوئی ایکویکلچر انڈسٹری کا حصہ بننا چاہتے ہیں تو یہ آرٹیکل آپ کے لیے انتہائی معلوماتی ثابت ہونے والا ہے۔
پنجاب شرمپ انٹرنشپ پروگرام کے بنیادی خدوخال
محکمہ ماہی پروری پنجاب کا یہ اقدام ایک فلیگ شپ پروجیکٹ کا حصہ ہے جس کا مقصد صوبے میں بنجر اور نمکیات زدہ (Saline & Brackish) زمینوں کو کارآمد بنا کر جھینگا فارمنگ کو فروغ دینا ہے۔
ادارہ: محکمہ ماہی پروری، حکومتِ پنجاب
ماہانہ وظیفہ: 100,000 روپے
انٹرنشپ کا دورانیہ: 1 سال (مستقل بنیادوں پر سیکھنے کا موقع)
کل نشستیں: 70 پیڈ انٹرنشپ پوزیشنز
تعیناتی کا مقام: شرمپ اسٹیٹ، چک 58NB، سرگودھا
درخواست کی آخری تاریخ: 7 اگست 2026
پنجاب شرمپ انٹرنشپ پروگرام دستیاب شعبے اور تعلیمی قابلیت
پنجاب شرمپ انٹرنشپ پروگرام صرف مچھلیوں یا زولوجی کے ماہرین تک محدود نہیں ہے بلکہ اس میں سائنس، انجینئرنگ اور مارکیٹنگ کے متعدد شعبوں سے تعلق رکھنے والے BS، MS، MPhil، اور PhD ڈگری ہولڈرز اپلائی کر سکتے ہیں۔ پروگرام کے تحت دستیاب نشستوں کی تفصیل درج ذیل ہے:
فام اور ہیچری انٹرنز (Farm & Hatchery): 18 نشستیں
فیڈ مل انٹرنز (Feed Mill): 10 نشستیں
کیمسٹ، پیتھالوجسٹ اور مائیکرو بائیولوجسٹ: 8، 8 نشستیں (کل 24)
پروسیسنگ پلانٹ انٹرنز: 06 نشستیں
فارم ڈیزائننگ، کوانٹٹی سرویئر اور الیکٹریفکیشن ڈیزائن: 3، 3 نشستیں
ایکوا مارکیٹنگ اور ٹریڈنگ (Aqua Marketing & Trading): 03 نشستیں
ان تمام کیٹیگریز کا مقصد یہ ہے کہ جھینگا پروری کے پورے سپلائی چین (Hatchery to Market) کو سنبھالنے کے لیے ایک مکمل ہنرمند فورس تیار کی جا سکے۔
پنجاب شرمپ انٹرنشپ پروگرام کے دوران دی جانے والی عملی تربیت
منتخب امیدواروں کو سرگودھا میں قائم جدید شرمپ اسٹیٹ پر فیلڈ کا عملی تجربہ فراہم کیا جائے گا۔ اس تربیتی پروگرام میں درج ذیل پہلوؤں پر خصوصی توجہ دی جائے گی:
ہیچری مینجمنٹ اور تالابوں کی دیکھ بھال (Pond Operations)
پانی کے معیار کا کنٹرول (Water Quality Control)
جھینگو ں کی بیماریوں سے بچاؤ اور صحت کی نگرانی
جدید فیڈنگ تکنیک اور پروسیسنگ کے طریقے
کومرسل سطح پر ایکوا پروڈکٹس کی مارکیٹنگ
پنجاب شرمپ انٹرنشپ پروگرام درکار دستاویزات
آن لائن اپلائی کرتے وقت امیدواروں کے پاس درج ذیل کاغذات کا ہونا ضروری ہے:
تصدیق شدہ تعلیمی اسناد اور ٹرانسکرپٹس (Degrees/Transcripts)
کمپیوٹرائزڈ شناختی کارڈ (CNIC) کی کاپی
پنجاب کا ڈومیسائل (Domicile)
ایک عدد پاسپورٹ سائز تازہ تصویر
پنجاب شرمپ انٹرنشپ پروگرام کے لیے آن لائن اپلائی کرنے کا طریقہ
اس پروگرام میں درخواست جمع کرانے کا طریقہ کار انتہائی آسان اور مکمل طور پر ڈیجیٹل ہے امیدوار نیچے دیے گئے مراحل پر عمل کر کے اپنی درخواست جمع کرا سکتے ہیں:
سب سے پہلے حکومتِ پنجاب کے آفیشل جاب پورٹل Punjab Job Portal پر جائیں۔
اگر آپ کا اکاؤنٹ نہیں بنا ہوا تو اپنی بنیادی معلومات درج کر کے رجسٹر کریں۔
لاگ ان کرنے کے بعد "Shrimp Farms & Hatchery Interns” یا اپنی تعلیمی قابلیت سے مطابقت رکھنے والی مطلوبہ کیٹیگری تلاش کریں۔
درخواست فارم میں اپنی تعلیمی اور ذاتی معلومات بالکل درست درج کریں۔
درکار دستاویزات کی اسکین شدہ کاپیاں اپ لوڈ کریں اور پورٹل کی فیس (اگر لاگو ہو) ادا کرنے کے بعد فارم فائنل سبمٹ (Submit) کر دیں
یاد رہے کہ درخواست جمع کرانے کی آخری تاریخ 7 اگست 2026 ہے لہذا تاخیر سے بچنے کے لیے وقت پر اپلائی کریں۔ یہ پروگرام پاکستان میں اپنی نوعیت کا ایک منفرد موقع ہے جو مالی معاونت کے ساتھ ساتھ انٹرنیشنل لیول کی پروفیشنل اسکلز سیکھنے کی ضمانت دیتا ہے۔
