ہائر ایجوکیشن کمیشن (HEC) پاکستان نے اعلیٰ تعلیم کے فروغ اور پاکستانی طلبہ کو دنیا کی بہترین جامعات میں بھیجنے کے لیے ایک شاندار اقدام کا آغاز کیا ہے۔ ایسے تمام طلبہ جو امریکہ کی ٹاپ رینکنگ یونیورسٹیوں سے پی ایچ ڈی کرنے کے خواہشمند ہیں ان کے لیے ایچ ای سی جی آر ای ٹریننگ (ٹیلنٹ فارمنگ) پروگرام کے تحت درخواستیں مطلوب ہیں۔ یہ پروگرام یو ایس-پاکستان نالج کوریڈور کا ایک اہم حصہ ہے جس کا مقصد طلبہ کو بین الاقوامی معیار کے مطابق جی آر ای (GRE) ٹیسٹ کے لیے تیار کرنا ہے۔
یو ایس-پاک نالج کوریڈور پی ایچ ڈی اسکالرشپ کا تعارف
امریکہ کی اعلیٰ جامعات میں داخلے اور اسکالرشپ کے حصول کے لیے جی آر ای (GRE) جنرل ٹیسٹ پاس کرنا بنیادی ضرورت ہے۔ طلبہ کی مالی معاونت اور رہنمائی کے لیے ایچ ای سی انتہائی رعایتی فیس پر 40 گھنٹوں کا آن لائن اور فزیکل کورس فراہم کر رہا ہے۔ اس کورس کی اصل فیس کا بڑا حصہ حکومت ادا کرتی ہے جبکہ شارٹ لسٹ ہونے والے امیدواروں کو صرف 2,500 روپے فیس جمع کروانی ہوتی ہے۔
اس تربیتی پروگرام کی مکمل تفصیلات اور منظور شدہ امریکی یونیورسٹیوں کی فہرست جاننے کے لیے آپ ایچ ای سی نالج کوریڈور پورٹل کا دورہ کر سکتے ہیں.
ایچ ای سی جی آر ای ٹریننگ کے اہم فوائد
اس کورس میں شامل ہونے والے طلبہ کو درج ذیل مراعات دی جاتی ہیں:
ماہر اساتذہ سے تربیت: یہ ٹریننگ یونائیٹڈ اسٹیٹس ایجوکیشن فاؤنڈیشن ان پاکستان (USEFP) کے منظور شدہ تجربہ کار اساتذہ دیتے ہیں۔
ٹیسٹ فیس کی واپسی: جو طلبہ اس کورس کو مکمل کرنے کے بعد آفیشل ٹیسٹ میں 300 یا اس سے زائد اسکور حاصل کرتے ہیں ایچ ای سی ان کی ٹیسٹ فیس (ETS Fee) مکمل یا جزوی طور پر واپس کر دیتا ہے۔
پی ایچ ڈی اسکالرشپ کے مواقع: جی آر ای میں بہترین اسکور حاصل کرنے کے بعد طلبہ امریکہ کی ٹاپ 100 کیو ایس رینکڈ یونیورسٹیوں میں فلی فنڈڈ اسکالرشپ کے لیے اہل ہو جاتے ہیں.
پروگرام کے لیے اہلیت کا معیار (Eligibility Criteria)
ایچ ای سی جی آر ای ٹریننگ میں رجسٹریشن کے لیے درج ذیل شرائط کو پورا کرنا لازمی ہے:
قومیت: امیدوار کا پاکستان یا آزاد جموں و کشمیر (AJK) کا شہری ہونا ضروری ہے۔
تعلیمی قابلیت: درخواست گزار نے کم از کم 16 سالہ تعلیم (BS, Master’s یا مساوی ڈگری) مکمل کی ہو۔
عمر کی حد: سرکاری یونیورسٹیوں کے ریگولر فیکلٹی ممبران یا سرکاری ملازمین کے لیے زیادہ سے زیادہ عمر 40 سال ہے جبکہ دیگر تمام امیدواروں کے لیے عمر کی حد 35 سال رکھی گئی ہے۔
عزم: امیدوار عید نامہ دینے کا پابند ہوگا کہ وہ پی ایچ ڈی مکمل کرنے کے بعد واپس پاکستان آ کر ملک کی خدمت کرے گا.
درخواست دینے کا طریقہ کار اور رجسٹریشن لنک
اس پروگرام کے موجودہ سیشن میں اپلائی کرنے کی آخری تاریخ 20 جون 2026 ہے۔ طلبہ کو ہدایت کی جاتی ہے کہ وہ آخری تاریخ سے پہلے اپنی آن لائن درخواستیں جمع کروائیں۔
رجسٹریشن کے عمل کو آسان بنانے کے لیے، آپ براہِ راست ایچ ای سی آفیشل رجسٹریشن فارم پر جا کر اپنا اکاؤنٹ بنا سکتے ہیں اور فارم فل کر سکتے ہیں۔ فارم کی جانچ پڑتال کے بعد کامیاب امیدواروں کو فیس جمع کروانے کے لیے ای میل کے ذریعے بینک اکاؤنٹ نمبر فراہم کیا جائے گا۔
تازہ الرٹس اور اہم خبروں کے لیے Urdu Khabar کا رخ کریں۔
