متحدہ عرب امارات کی ثالثی سے روس-یوکرین قیدیوں کا تبادلہ کامیاب

متحدہ عرب امارات نے جمعرات کو اعلان کیا ہے کہ اس کی ثالثی کے نتیجے میں روس اور یوکرین کے درمیان ایک اور قیدیوں کا تبادلہ کامیاب رہا جس میں دونوں طرف سے 84 قیدی شامل تھے۔ اس کے بعد UAE کی ثالثی میں کل قیدیوں کی تعداد 4,349 تک پہنچ گئی ہے جو اس تنازع میں انسانی اور سفارتی نقطہ نظر سے اہم کردار ادا کرتی ہے۔

متحدہ عرب امارات کی وزارت خارجہ نے اس کامیابی کا اعتراف کرتے ہوئے دونوں ممالک، ماسکو اور کیف کے تعاون کا شکریہ ادا کیا ہے۔ وزارت نے کہا  ہے کہ یہ اقدام UAE کی ثالثی میں ان کے اعتماد اور قدردانی کو ظاہر کرتا ہے۔

یہ سولہواں کامیاب ثالثی عمل ہے جو جنگ کے آغاز سے اب تک UAE نے انجام دیا ہے اور یہ واضح کرتا ہے کہ متحدہ عرب امارات بین الاقوامی مذاکرات اور پیچیدہ کشیدہ حالات کے حل میں ایک معتبر ثالث کے طور پر ابھرتا جا رہا ہے۔

UAE Mediation Efforts Succeed with New Exchange of 168 Captives Between Russia and Ukrainehttps://t.co/QNrUujTWwN pic.twitter.com/fvkREkxo27

— MoFA وزارة الخارجية (@mofauae) August 14, 2025

قیدیوں کے تبادلے کا سب سے بڑا پہلو انسانی ہے۔ اس اقدام سے نہ صرف فوجی عملے بلکہ شہری قیدیوں کی بھی رہائی ممکن ہوئی۔ کئی قیدی طویل عرصے سے قید میں تھے اور ان کے خاندان اس وقت تک ان کی خیریت کے بارے میں فکر مند تھے۔ اس تبادلے سے ان خاندانوں کو سکون اور امید کی روشنی ملی ہے۔

رہا ہونے والے قیدیوں کو طبی دیکھ بھال اور بحالی کی ضرورت ہوگی کیونکہ قید کے دوران وہ جسمانی اور نفسیاتی مشکلات کا سامنا کر سکتے ہیں۔ UAE کی ثالثی کے نتیجے میں یہ افراد صحت کی دیکھ بھال اور نفسیاتی مدد تک رسائی حاصل کر سکیں گے جس سے انسانی بحران کو کم کرنے میں مدد ملے گی۔

اس کامیاب ثالثی کے بعد متحدہ عرب امارات کی بین الاقوامی حیثیت مزید مضبوط ہوئی ہے۔ UAE اب نہ صرف مشرق وسطیٰ میں بلکہ عالمی سطح پر ایک موثر ثالث اور امن قائم کرنے والا ملک کے طور پر سامنے آ رہا ہے۔ مستقبل میں پیچیدہ بین الاقوامی تنازعات کے حل کے لیے UAE کی ثالثی کا کردار مزید اہم ہو سکتا ہے۔

متحدہ عرب امارات کی وزارت خارجہ نے اس بات پر زور دیا ہےکہ UAE تمام کوششوں کو کامیاب بنانے کے لیے پرعزم ہے جو روس اور یوکرین کے درمیان امن قائم کرنے اور انسانی بحران کو کم کرنے کی کوششیں کر رہی ہیں۔ یہ کامیابی UAE کے مستقل سفارتی اقدامات اور عالمی امن میں اس کے کردار کی تصدیق کرتی ہے۔

یہ بھی پڑھیں : غزہ میں انسانی بحران کے خاتمے کے لیے متحدہ عرب امارات کی جاری  پائیدار امدادی کاوشیں