پاکستان کے مختلف حصوں بشمول پنجاب، خیبر پختونخوا اور وفاقی دارالحکومت اسلام آباد میں 5.7 شدت کا زلزلہ آیا۔ زلزلے کے جھٹکے دوپہر 12:28 بجے محسوس کیے گئے اور اس کا مرکز ڈیرہ غازی خان کے قریب 10 کلومیٹر گہرائی میں تھا۔
متاثرہ شہروں میں لاہور، فیصل آباد، ملتان، پشاور، سوات اور دیگر علاقے شامل ہیں۔ زلزلے کے باعث لوگوں میں خوف و ہراس پھیل گیا اور لوگ گھروں اور دفاتر سے باہر نکل آئے۔
محکمہ موسمیات کے مطابق، زلزلے سے کسی بڑے نقصان کی اطلاع نہیں ملی ہے، تاہم انتظامیہ اور امدادی ادارے الرٹ پر ہیں تاکہ کسی بھی ممکنہ ہنگامی صورت حال سے نمٹا جا سکے۔
صوبائی ڈیزاسٹر مینجمنٹ اتھارٹی نے ہیلپ لائن 1129 قائم کی ہے تاکہ نقصان کی رپورٹنگ کی جا سکے۔
