چیٹ جی پی ٹی ایک جدید آے آئی ٹول ہے جو آپ کی بہت سے معاملات میں مدد کرتا ہے اور آپ کے سوالات کے جوابات دیتا ہے۔ چیٹ جی پی ٹی فری میں آپ کی رہنمائی کرتا ہے اور آپ کو وہ کچھ بتاتا ہے جو آپ نہیں جانتے۔
آج ہم آپ کو بتائیں گے کس طرح سے آپ چیٹ جی پی ٹی کو استعمال کرتے ہوئے پیسے کما سکتے ہیں۔
آرٹیکل لکھنا
چیٹ جی پی ٹی بلاگز، مضامین، یا سوشل میڈیا پوسٹس لکھنے میں آپ کی مدد کر سکتی ہے۔ آپ یہ سروس اپ ورک یا فائیور جیسی ویب سائٹس پر فروخت کر کے پیسے کما سکتے ہیں۔
ای کتابیں لکھنا
چیٹ جی پی ٹی کی مدد سے آپ ای کتابوں کے لیے آئیڈیاز اور آؤٹ لائن تیار کر سکتے ہیں۔ ایک مکمل کتاب لکھ کر انہیں ایمازون کائنڈل جیسے پلیٹ فارمز پر شائع کرنے سے آپ سیلز سے پیسے کما سکتے ہیں۔
چیٹ بوٹس بنانا
بہت سے کاروباروں کو کسٹمر سروس یا سیلز کے لیے چیٹ بوٹس کی ضرورت ہوتی ہے۔ اگر آپ تھوڑی سی اس متعلق معلومات رکھتے ہیں تو چیٹ جی پی ٹی کی مدد سے چیٹ بوٹس بنا سکتے ہیں کیونہ چیٹ جی پی ٹی آپ کو کوڈ لکھنے میں زبردست مدد فراہم کرتا ہے۔
ترجمہ اور ٹائپنگ
چیٹ جی پی ٹی مختلف زبانوں کا ترجمہ کر سکتا ہے اور ریکارڈنگ کو ٹائپ کر سکتا ہے۔ آپ یہ سکلز ان ویب سائٹس پر فروخت کر سکتے ہیں جہاں لوگ ان سروسز کو تلاش کرتے ہیں۔ عام طور پر فری لانسنگ سائٹس میں ایسی سکلز کی کافی ڈیمانڈ ہوتی ہے۔
اشتہارات لکھنا اور لیڈز حاصل کرنا
چیٹ جی پی ٹی کاروباری مقاصد کے لئے بہترین اشتہارات لکھ سکتا ہے جو گوگل اور دیگر پلیٹ فارمز پر اچھی لیڈز تلاش کرنے میں مددگار ثابت ہو سکتے ہیں۔ آپ اس سکل سے اس بنیاد پر پیسہ کما سکتے ہیں کہ لوگ فری لانس ویب سائٹس پر اشتہارات کے لئے بہتر تحریر لکھواتے ہیں تا کہ لوگ ان کے بزنس کی طرف متوجہ ہوں اور یہ کام چیٹ جی پی ٹی آپ کے لئے مفت کر سکتا ہے۔
