کریم جان گمشدہ یا دہشتگرد تنظیم کا رکن؟ بہن نے اعتراف کر لیا

بلوچستان لبریشن آرمی (BLA) کے  دہشت گرد کریم جان کی بہن نے اقرار کیا ہے کہ ان کا بھائی دہشت گرد تنظیم بلوچ لبریشن آرمی کا رکن تھا۔ کریم جان سیکورٹی فورسز کے حملے میں گوادر پورٹ اتھارٹی (GPA) کمپلیکس پر سات دوسرے افراد کے ساتھ قتل ہوا تھا۔

سیکورٹی فورسز نے گوادر پورٹ اتھارٹی (GPA) کمپلیکس پر ہونے والے حملے کو ناکام بنایا تھا اور بلوچ لبریشن آرمی (BLA) کے تمام آٹھ دہشت گرد ہلاک کر دئیے گئے تھے۔

تفصیلات کے مطابق،  مقتول دہشت گرد کی بہن نے اپنے بھائی کی لاش پہچان لی اور خاندان کو لاشوں کو واپس کرنے کی درخواست دی ہے۔

انہوں نے کہا ہے کہ کریم جان بلوچستان کے گمشدہ افراد کی فہرست میں بھی شامل تھے۔ تاہم اس واقعے کے بعد حقیقت آشکار ہو گئی ہے کہ وہ دہشتگرد تنظیم میں جا ملے تھے۔

یاد رہے کہ پاکستانی اداروں پر یہ الزام ہے کہ وہ بلوچستان کے بہت سے لوگوں کو گرفتار کئے ہوئے ہیں۔