پاکستان کا آئی ایم ایف کے ساتھ اگلے ہفتے اسٹاف سطح کے معاہدے پر دستخط کرنے کا امکان

پاکستان کا آئی ایم ایف کے ساتھ اگلے ہفتے اسٹاف سطح کے معاہدے پر دستخط کرنے کا امکان

 ممکنہ طور پر پاکستان اگلے ہفتے بین الاقوامی مالیاتی فنڈ (ائی ایم ایف) کے ساتھ عملے کی سطح کے معاہدے پر دستخط کرے گا۔ امید کی جا رہی ہے کہ آئی ایم ایف پاکستان کی کوششوں سے مطمئن ہے۔

 اس پیشرفت سے باخبر ذرائع نے اس پیشرفت کو نویں جائزے کے بعد تعطل کا شکار قرض پروگرام کی بحالی کے لیے ایک مثبت اشارہ قرار دیا ہے کیونکہ آئی ایم ایف نے پاکستان کی کوششوں کو سراہا ہے۔

یہ بھی پڑھیں | لاہور: سیکیورٹی ڈیوٹی کے لیے پولیس 5 ہزار سابق فوجیوں کی خدمات حاصل کرے گی

ڈیفالٹ کا خطرہ کم ہو گیا

 مزید برآں، آئی ایم ایف کو اسٹیٹ بینک کے گورنر جمیل احمد کے وعدوں پر اعتماد کے طور پر دیکھا جا رہا ہے۔ بین الاقوامی قرض دہندہ نے پاکستان کے ساتھ عملے کی سطح کے معاہدے کا اشارہ دے دیا ہے جس پر اگلے ہفتے دستخط کیے جانے کا امکان ہے۔

 واضح رہے کہ آئی ایم ایف کو میفپ میں مقرر کردہ اہداف کی چار بار یقین دہانی کرائی گئی تھی اور زرمبادلہ کے ذخائر میں بہتری کی آخری شرط چینی قرض کے رول اوور سے پوری کی گئی تھی۔

 ذرائع نے مزید کہا کہ آئی ایم ایف کی جانب سے مثبت اشارے ملنے سے پاکستان کے ڈیفالٹ کا خطرہ کم ہوگیا ہے۔

 پیشرفت سے قبل معاہدے پر دستخط 9 فروری کو متوقع تھے اور بعد میں وزیر خزانہ اسحاق ڈار نے 14 فروری کو معاہدے پر دستخط کا دعویٰ کیا ہے۔