شہباز گل لاہور ہسپتال داخل
پاکستان تحریک انصاف (پی ٹی آئی) کے رہنما شہباز گل کو آج بدھ کے روز سانس لینے میں تکلیف کے باعث لاہور کے اسپتال میں داخل کرایا گیا ہے۔
ذرائع کا کہنا ہے کہ سابق وزیراعظم عمران خان کے سابق معاون گزشتہ چند روز سے سانس لینے میں تکلیف اور کھانسی میں مبتلا تھے۔ انہیں علاج کے لیے سروسز ہسپتال لاہور میں داخل کرایا گیا ہے۔
یہ بھی پڑھیں | عام انتخابات کی فوری ضرورت نہیں، بلاول بھٹو
یہ بھی پڑھیں | مذاکرات، پیشگی شرائط ساتھ ساتھ نہیں چل سکتے، مسلم لیگ ن
شہبازگل ضمانت پر ہیں
یاد رہے کہ شہباز گل غداری کے مقدمے میں عدالتوں سے ضمانت پر ہیں۔ گزشتہ ستمبر میں اسلام آباد ہائی کورٹ نے پی ٹی آئی رہنما کو ان کے خلاف بغاوت اور عوام کو ریاستی اداروں کے خلاف اکسانے کے مقدمے میں ضمانت دی تھی۔ انہیں 9 اگست کو ایک نجی ٹی وی چینل کے بلیٹن میں اشتعال انگیز ریمارکس دینے پر گرفتار کیے جانے کے چند ہفتوں بعد ضمانت ملی تھی۔
