اپریل 14 2020: (جنرل رپورٹر) کرونا وائرس کی بڑھتی ہوئی تباہ کاریوں نے پچھلے چوبیس گھنٹوں میں مزید چار افراد کی جان لے لی- تازہ ترین اطلاعات کے مطابق پچھلے چوبیس گھنٹوں میں تین ہزار ایک سو ستاون ٹیسٹ کئے گئے جن میں سے تین سو بیالیس کنفرم کیسز نکلے جبکہ اسی دوران چار افراد زندگی کی بازی سے ہاتھ دھو بیٹھے
کرونا وائرس کے پچھلے جوبیس
یاد رہے کہ پاکستان میں اب تک کرونا وائرس کے تقریبا انھتر ہزار نو سو اٹھائیس ٹیسٹ ہوئے جس میں سے پانچ ہزار سات سو سولہ کرونا کے مریض (کنفرم کیسز) نکلے ہیں- گورنمنٹ آف پاکستان کی کرونا وائرس آگاہی کے متعلق ویب سائٹ پر دئیے گئے اعداد و شمار کے مطابق کرونا وائرس سے اب تک چھیانوے اموات ہو چکی ہیں جبکہ چھیالیس کی حالت خطرے میں ہے- مزید برآں یہ کہ اب تک ایک ہزار تین سو ترپن افراد صحتیاب ہو چکے ہیں جو کہ خوش آئیند بات ہے
اگر ہم صوبہ کے لحاظ سے جائزہ لیں تو گورنمنٹ آف پاکستان کے سرکاری اعداد و شمار کے مطابق پنجاب میں دو ہزار آٹھ سو چھبیس کیسز ہیں جبکہ سندھ میں ایک ہزار چار سو پچاس, خیبرپختونخواہ میں آٹھ سو, آزاد جموں کشمیر میں ترتالیس, گلگت بلستان میں دوسو تیتیس اور وفاق میں ایک سو اکتیس کیسز ہیں-
دیکھا جائے تو دیگر ممالک کی طرح پاکستان میں بھی کرونا کی صورتحال بگڑتی دکھائی دے رہی ہے- ایک طرف کرونا کا خوف تو دوسری جانب ترقی پذیر ملک ہونے کے ناطے بھوک اور غربت بھی اہم.مسئلہ کے طور پر ایک بار اجاگر ہونے لگی ہے-تاہم تجزیہ نگار اس بات پر بھی متفق ہیں کہ کرونا وائرس نے ایشیاء کے ممالک کو کم متاثر کیا ہے بنسبت یورپ کے
یاد رہے کہ یہ تمام معلومات گورنمنٹ آف پاکستان کی کرونا وائرس سے آگاہی مہم کی ویب سائٹ سے لی گئی ہے
