موبائل فون کا گم جانا نہ صرف مالی نقصان کا باعث ہوتا ہے بلکہ یہ ایک بڑا سیکیورٹی مسئلہ بھی ہے کیونکہ اس میں ذاتی معلومات، بینکنگ ایپس یا دیگر اہم ڈیٹا محفوظ ہوسکتا ہے۔ اس مسئلے کے حل کے لیے پاکستان ٹیلی کمیونیکیشن اتھارٹی (PTA) نے DIRBS (Device Identification Registration and Blocking System) متعارف کرایا ہے جو شہریوں کو یہ سہولت دیتا ہے کہ وہ اپنے گمشدہ یا چوری شدہ موبائل فونز کو بلاک کروا سکیں تاکہ کوئی دوسرا انہیں کسی بھی مقامی نیٹ ورک پر استعمال نہ کرسکے۔
ذیل میں وہ اقدامات بیان کیے گئے ہیں جن کی مدد سے آپ اپنے فون کو پی ٹی اے کے آئی ایم ای آئی سسٹم کے ذریعے بلاک کروا سکتے ہیں۔
اپنے فون کا آئی ایم ای آئی نمبر معلوم کریں
IMEI (International Mobile Equipment Identity) ایک منفرد 15 ہندسوں پر مشتمل کوڈ ہے جو آپ کے موبائل فون کی شناخت کرتا ہے۔
آئی ایم ای آئی نمبر معلوم کرنے کے طریقے:
اپنے فون پر *#06# ڈائل کریں (فون کھونے سے پہلے)
موبائل کے ڈبے یا رسید پر چیک کریں
فون کی سیٹنگز > اباؤٹ فون میں دیکھیں
ہمیشہ اپنے موبائل کا آئی ایم ای آئی نمبر محفوظ کرلیں تاکہ ضرورت پڑنے پر استعمال کیا جاسکے۔
پی ٹی اے کو شکایت درج کرائیں
فون گم یا چوری ہونے کی صورت میں آپ پی ٹی اے کے نظام کے ذریعے بلاکنگ کی درخواست دے سکتے ہیں۔ اس کے تین طریقے ہیں:
الف) آن لائن شکایت (CMS پورٹل کے ذریعے)
وزٹ کریں: https://complaint.pta.gov.pk
آپشن منتخب کریں: Lost/Stolen Mobile Blocking (DIRBS)
فارم میں درج کریں:
آئی ایم ای آئی نمبر
موبائل برانڈ، ماڈل اور رنگ
واقعہ کی تاریخ اور جگہ
شناختی کارڈ نمبر
رابطے کی تفصیلات (موبائل نمبر، ای میل)
ب) ای میل کے ذریعے
اپنی درخواست [email protected] پر بھیجیں اور درج ذیل معلومات فراہم کریں:
آئی ایم ای آئی نمبر
شناختی کارڈ کی کاپی
موبائل نمبر
فون کی تفصیلات (برانڈ، ماڈل، واقعہ کی تاریخ)
ج) ہیلپ لائن کے ذریعے
رہنمائی کے لیے پی ٹی اے ہیلپ لائن پر کال کریں: 0800-5505
تصدیق اور بلاکنگ
پی ٹی اے آپ کی فراہم کردہ معلومات کی تصدیق کرے گا۔
24 گھنٹوں کے اندر فون بلاک ہوجائے گا اور تمام مقامی نیٹ ورکس پر بیکار ہوجائے گا۔
آپ کو SMS یا ای میل کے ذریعے بلاک ہونے کی تصدیق ملے گی۔
فون ملنے کی صورت میں ان بلاک کرنا
اگر بعد میں آپ کا فون واپس مل جائے تو آپ پی ٹی اے سے اسے ان بلاک کروا سکتے ہیں۔
CMS پورٹل پر دوبارہ جائیں
پچھلی شکایت کے حوالے سے ان بلاکنگ درخواست جمع کروائیں
پی ٹی اے تصدیق کے بعد فون کو ان بلاک کردے گا
اضافی تجاویز برائے سیکیورٹی
ہمیشہ اپنی فون ڈیٹا کا بیک اپ رکھیں
فون پر PIN کوڈ، بایومیٹرک لاک اور Find My Device جیسی سروسز فعال رکھیں
فون گم ہونے پر فوراً بلاک کروائیں تاکہ ذاتی اور مالی نقصان کم سے کم ہو
مزید پڑھیں:
پی ٹی اے نے اوورسیز پاکستانیوں اور غیر ملکیوں کے لیے موبائل رجسٹریشن آسان بنا دی ہے
