چینی کے زیادہ استعمال کے خطرناک نقصانات

ہم تقریبا روز مرہ کی زندگی میں استعمال ہونے والی ہر خوراک میں چینی کا استعمال کرتے ہیں۔ گندم، چائے، مشروبات تقریبا سب میں ہی چینی کا بےدریغ استعمال ہوتا ہے۔ چینی کا زیادہ استعمال ہماری صحت پر کئی منفی اثرات ڈالتا ہے جو خطرناک نقصانات کا باعث بن سکتا ہے۔ آئیے چینی کے زیادہ استعمال کے کچھ نقصانات پڑھتے ہیں۔

وزن میں اضافہ

چینی میں کیلوریز زیادہ ہوتی ہیں اور یہ موٹاپے کا باعث بنتی ہے۔ یہ جسم میں چربی کو بڑھاتی ہے، خاص طور پر پیٹ کے ارد گرد۔ لہذا چینی کو صرف حسب ضرورت ہی کھانے میں استعمال کرنا چاہیے۔

ذیابیطس کا خطرہ

زیادہ چینی کھانے سے خون میں گلوکوز کی سطح بڑھ جاتی ہے، جس سے انسولین کی کارکردگی متاثر ہوتی ہے۔ یہ ٹائپ 2 ذیابیطس کا سبب بن سکتا ہے۔

دل کی بیماریوں کا خطرہ

اضافی شکر کا استعمال خون میں کولیسٹرول کو بڑھا سکتا ہے اور ہائی بلڈ پریشر کا باعث بنتا ہے، جو دل کے امراض کا خطرہ بڑھاتا ہے۔

دانتوں کے مسائل

چینی دانتوں کے لیے نقصان دہ ہوتی ہے کیونکہ یہ منہ میں بیکٹیریا کی افزائش کرتی ہے جو دانتوں کی کیویٹیز اور دیگر مسائل پیدا کرتی ہے۔

توانائی کی کمی

چینی وقتی توانائی فراہم کرتی ہے، لیکن اس کے بعد جسم میں تھکن محسوس ہوتی ہے، جس سے توانائی کی سطح غیر متوازن ہو جاتی ہے۔

ان مسائل کے پیش نظر چینی کا استعمال کم کرنا صحت مند زندگی کے لیے ضروری ہے۔