پاکستان کرکٹ بورڈ (پی سی بی) نے چیمپئنز ون ڈے کپ 2024 کا شیڈول جاری کر دیا ہے جو 12 ستمبر سے 29 ستمبر تک فیصل آباد کے اقبال اسٹیڈیم میں کھیلا جائے گا۔ اس ٹورنامنٹ میں ملک کے 150 بہترین کرکٹرز حصہ لیں گے۔
ٹورنامنٹ کا افتتاحی میچ 12 ستمبر کو "وولوز” اور "پینتھرز” کے درمیان ہوگا جبکہ دیگر میچز کا آغاز شام 3 بجے ہوگا۔ تاہم، 16 ستمبر کو "لائنز” اور "پینتھرز” کے درمیان ہونے والا میچ صبح 9:30 بجے شروع ہوگا تاکہ پاکستان اور جنوبی افریقہ کی خواتین ٹیموں کے درمیان ٹی20 میچ کو براہ راست نشر کیا جا سکے۔
یہ 50 اوورز پر مشتمل ٹورنامنٹ سنگل لیگ فارمیٹ میں کھیلا جائے گا، جس کے بعد تین پلے آف میچز اور فائنل 29 ستمبر کو ہوگا۔
چیمپئنز ون ڈے کپ 2024 شیڈول
– 12 ستمبر: وولوز بمقابلہ پینتھرز
– 13 ستمبر: اسٹالیونز بمقابلہ لائنز
– 14 ستمبر: ڈولفنز بمقابلہ پینتھرز
– 15 ستمبر: وولوز بمقابلہ اسٹالیونز
– 16 ستمبر: لائنز بمقابلہ پینتھرز (صبح 9:30 بجے)
– 17 ستمبر: ڈولفنز بمقابلہ وولوز
– 19 ستمبر: اسٹالیونز بمقابلہ ڈولفنز
– 20 ستمبر: لائنز بمقابلہ وولوز
– 21 ستمبر: پینتھرز بمقابلہ اسٹالیونز
– 22 ستمبر: ڈولفنز بمقابلہ لائنز
– 24 ستمبر: کوالیفائر (ٹیم نمبر 1 بمقابلہ ٹیم نمبر 2)
– 25 ستمبر: ایلیمنیٹر 1 (ٹیم نمبر 3 بمقابلہ ٹیم نمبر 4)
– 27 ستمبر: ایلیمنیٹر 2 (ہارنے والی کوالیفائر ٹیم بمقابلہ جیتنے والی ایلیمنیٹر 2 ٹیم)
– 29 ستمبر: فائنل
یہ ٹورنامنٹ پاکستان کے کرکٹ شائقین کے لیے دلچسپ ثابت ہو گا جو ملک کے بہترین کرکٹرز کے درمیان کھیلا جائے گا۔
