پاکستان تحریک انصاف (پی ٹی آئی) کو انتظامیہ سے 2 جولائی کو پریڈ گراؤنڈ میں جلسے کی اجازت مل گئی ہے۔
جلسے کا این او سی جاری
جلسے کا این او سی جاری کر دیا گیا ہے۔ اسلام آباد انتظامیہ نے این او سی میں کہا ہے کہ احتجاج کے دوران ریاست کے خلاف نعرے بازی نہیں کی جائے گی، پریڈ گراؤنڈ میں احتجاج وقت پر ختم کرنا ہوگا اور دھرنے کی اجازت نہیں ہوگی۔
این او سی میں کہا گیا کہ مظاہرین کو پرامن طریقے سے منتشر کرنا پی ٹی آئی کی ذمہ داری ہوگی، اسٹیج پر آنے والوں کی فہرست 12 گھنٹے پہلے انتظامیہ کو دینا ہوگی۔ آرگنائزر ایس ایس پی آپریشنز کو پرائیویٹ سیکیورٹی انتظامات سے آگاہ کریں گے۔ سی سی ٹی وی کیمرے لگائے جائیں گے، کسی بھی قسم کے تشدد، جھگڑے اور ہلاکت کی صورت میں منتظم ذمہ دار ہو گا، سڑکیں بند نہیں کی جائیں گی ورنہ خلاف ورزی پر کارروائی کی جائے گی اور طاقت کا استعمال کیا جا سکتا ہے۔
یہ بھی پڑھیں | وزیر اعلی پنجاب کا انتخاب، الیکشن آج ہو گا
یہ بھی پڑھیں | اسحاق ڈار جولائی کے چوتھے ہفتے پاکستان آئیں گے
اجلاس کے دوران اسلام آباد ایکسپریس وے سمیت سڑکیں بند نہیں کی جائیں گی۔ اس سے قبل پاکستان تحریک انصاف کی جانب سے حلف نامہ جمع کرایا گیا تھا۔
گزشتہ روز پی ٹی آئی کے مرکزی سیکرٹری جنرل اسد عمر نے انتظامیہ کی جانب سے پی ٹی آئی کو پریڈ گراؤنڈ میں جلسے کی اجازت نہ دینے پر شدید ردعمل کا اظہار کیا تھا۔
