متحدہ عرب امارات –
نیوزی لینڈ کے کپتان کین ولیمسن نے کہا ہے کہ ہمارا مقابلہ پاکستان کی ایک اچھی ٹیم سے تھا۔ انہوں نے جیت پر پاکستان کو مبارکباد بھی دی۔
تفصیلات کے مطابق آئی سی سی ٹی ٹوئنٹی ورلڈ کپ میں پاکستان سے شکست کے بعد گفتگو کرتے ہوئے نیوزی لینڈ کے کپتان کین ولیمسن نے کہا کہ نیوزی لینڈ کا یہ میچ ہارنا بہت مایوس کن ہے۔ بد قسمتی سے میچ کے آخر میں ہم جیت کی طرف نا جا سکے۔
یہ بھی پڑھیں | مینار پاکستان واقعہ: کیا واقعی عائشہ اکرم اور ریمبو بھاری رقم بٹور چکے ہیں؟
ان کا کہنا تھا کہ جب ہم اپنی لائن اور لینتھ سے ہٹے تو اس کے بعد چوکے چھکوں کا آغاز ہوا۔
نیوزی لینڈ کے کپتان نے مزید کہا کہ پاکستان کی جیت ایک بہت مضبوط سائیڈ ہے جسے دیکھنا چاہیے۔
انہوں نے مزید کہا کہ ہم اپنے آپ کو نئے چیلنج کے لیے تیار کریں گے اور بہتری کی طرف جائیں گے۔
