امریکا اور کینیڈا کے درمیان آئی سی سی مینز ٹی ٹوئنٹی ورلڈکپ 2024 کے افتتاحی میچ میں 10 مختلف ملکوں سے تعلق رکھنے والے پلیئرز ایکشن میں تھے۔
افتتاحی میچ میں میزبان امریکا نے کینیڈا کو باآسانی 7 وکٹوں سے شکست دی۔
میچ میں دونوں ٹیموں میں بھارت سے تعلق رکھنے والے7، پاکستان سے تعلق رکھنے والے 3 پلیئرز ایکشن میں تھے۔
امریکی ٹیم میں شامل علی خان، کینیڈا کےکلیم ثناء اور سعد بن ظفر پاکستان میں پیدا ہوئے۔ امریکی اسکواڈ میں نیوزی لینڈ کی نمائندگی کرنے والے کورے اینڈرسن بھی شامل تھے۔
امریکا کی فائنل الیون میں شامل صرف تین پلیئرز امریکا میں پیدا ہوئے۔ اسٹیون ٹیلر، آرون جونز اور جسدیپ سنگھ امریکا میں پیدا ہوئے تھے۔
امریکی ٹیم کے شیڈلے وین شیلویک اور آندریاس گوز جنوبی افریقا میں پیدا ہوئے۔ موننک پٹیل، ہرمیت سنگھ اور سورابھ نیتراولکار کا تعلق بھارت سے ہے۔
امریکا کی فائنل الیون میں کینیڈا میں پیدا ہونے والے نتیش کمار بھی شامل تھے۔
کینیڈا کی فائنل الیون میں شامل کوئی کھلاڑی کینیڈا میں پیدا نہیں ہوا۔
نونیت دھالیوال، پرگت سنگھ، شریاس مووا اور دلپریپ باجوا بھارت میں پیدا ہوئے۔ نکھل دت کویت، آرون جونسن جمیکا جب کہ نکولز کرٹن بارناڈوس سے ہیں۔
کینیڈا کے اسکواڈ میں شامل ڈلون ہیلنگر اور جرمی گارڈون گیانا سے تعلق رکھتے ہیں۔
