وزیر اعظم شہباز شریف سعودی عرب پہنچ گئے
وزیر اعظم شہباز شریف دو روزہ دورے پر سعودی عرب پہنچ گئے ہیں۔ ریاض کے گورنر نے وزیر اعظم پاکستان شہباز شریف کا استقبال کیا۔
شہباز شریف اپنے اس دورے کے دوران سعودی ولی عہد سے ملاقات کریں گے۔
سعودی سرمایہ کاری کانفرنس میں شرکت
وزیراعظم سعودی سرمایہ کاری کانفرنس میں شرکت کریں گے۔
یہ بھی پڑھیں | صحافی ارشد شریف کینیا میں انتقال کر گئے
یہ بھی پڑھیں | پانچ ہفتے کے اندر ریٹائر ہو رہا ہوں، آرمی چیف
وزیراعظم سعودی ولی عہد محمد بن سلمان کی دعوت پر دورہ کر رہے ہیں۔ وفاقی وزراء خواجہ آصف، اسحاق ڈار، مریم اورنگزیب اور دیگر بھی وزیراعظم کے ہمراہ ہیں۔
برادرانہ تعلقات کو مزید بہتر بنانے پر تبادلہ خیال کریں گے
ریاض میں اپنے قیام کے دوران وزیراعظم سعودی ولی عہد سے ملاقات کریں گے اور دونوں ممالک کے درمیان اقتصادی شعبے میں کثیر جہتی تعاون کو مزید مضبوط بنانے اور دیرینہ برادرانہ تعلقات کو مزید بہتر بنانے پر تبادلہ خیال کریں گے۔
