وزیر اعظم شہباز شریف آج ہفتے کو انقرہ میں ترک صدر رجب طیب اردوان کی تقریب حلف برداری میں شرکت کریں گے۔ وزیر اعظم شہباز شریف اس وقت ترکیہ میں موجود ہیں۔
یہ دورہ پاکستان اور ترکی کے درمیان گہرے برادرانہ تعلقات کا اعادہ ہوگا۔
وزیر اعظم شہباز شریف پاکستان کی حکومت اور عوام کی جانب سے رجب طیب اردوان کو ترکی کے دوبارہ صدر منتخب ہونے پر مبارکباد پیش کریں گے۔
یہ بھی پڑھیں | وزیراعظم کل انقرہ میں ترک صدر کی تقریب حلف برداری میں شرکت کریں گے
شہباز شریف صدر اردوان کو اسلام آباد میں اعلیٰ سطحی سٹریٹجک کوآپریشن کونسل کے ساتویں اجلاس میں شرکت کی دعوت بھی دیں گے۔
