مسلم لیگ ن پنجاب اسمبلی کی تحلیل روکنے کے لیے تحریک عدم اعتماد لائے گی

ن لیگ کا پنجاب اسمبلی کی تحلیل کو روکنے کا منصوبہ

پاکستان مسلم لیگ ن (پی ایم ایل این) نے جمعہ (23 دسمبر) کو ہونے والی پنجاب اسمبلی کی تحلیل کو روکنے کا منصوبہ بنا لیا ہے جس کے مطابق پنجاب اسمبلی میں تحریک عدم اعتماد لائی جائے گی۔

تفصیلات کےمطابق وزیر اعظم شہباز شریف کی زیر صدارت ان کی رہائش گاہ ماڈل ٹاؤن میں پارٹی کا اجلاس ہوا۔ اجلاس میں مسلم لیگ ن کے رہنما خواجہ سعد رفیق، ایاز صادق، عطاء اللہ تارڑ اور ملک احمد خان نے شرکت کی جس میں اسمبلیوں کی تحلیل کے حوالے سے مشاورت کی گئی۔

یہ بھی پڑھیں | بشریٰ بی بی کی لیک آڈیو متعدد آڈیو کلپس جوڑ کر بنائی گئی ہے، فواد چوہدری

یہ بھی پڑھیں | بلاول بھٹو کی غریب ممالک کی مدد کرنے میں ناکامی پر عالمی معاشی نظام پر تنقید

وزیر اعلی پرویز الہی کو اعتماد کا ووٹ لینا ہو گا

مسلم لیگ (ن) نے فیصلہ کیا کہ وزیراعلیٰ پنجاب چوہدری پرویز الٰہی سے پنجاب اسمبلی میں اعتماد کا ووٹ حاصل کرنے کے لیے کہا جائے گا۔ مزید برآں، پارٹی کے قانون سازوں کو اس ہفتے لاہور میں رہنے کو کہا گیا ہے۔ 

 اگر وزیراعلیٰ پرویز الٰہی اعتماد کا ووٹ حاصل کرنے میں ناکام رہے تو وہ اسمبلی تحلیل کرنے کا اختیار کھو دیں گے۔ ایک روز قبل وزیر اعظم شہباز شریف نے مسلم لیگ ق کے سربراہ چوہدری شجاعت حسین سے ملاقات کی۔

 وفاقی وزراء طارق بشیر چیمہ، چوہدری سالک حسین اور وزیراعظم کے معاون خصوصی ملک احمد خان موجود تھے۔ دونوں بڑی شخصیات نے ملک کو معاشی اور سیاسی بحران سے نکالنے کے لیے باہمی تعاون اور اشتراک کو مضبوط بنانے کا عہد کیا۔