مجھے دن میں پانچ وقت کی نماز پڑھنے میں بہت سکون ملتا ہے: بھارتی اداکار کا قبول اسلام

بھارتی ٹیلی ویژن اداکار ویوین ڈیسینا نے اسلام قبول کر لیا

بھارتی ٹیلی ویژن اداکار ویوین ڈیسینا نے ٹائمز آف انڈیا کو دیئے گئے ایک حالیہ انٹرویو میں انکشاف کیا ہے کہ انہوں نے اسلام قبول کر لیا ہے۔ انہوں نے سابق صحافی نوران علی کے ساتھ اپنی دوسری شادی کے بارے میں بھی بات کی اور اپنی چار ماہ کی بیٹی لایان ویوین ڈیسینا کے بارے میں بھی بات کی۔

 اس بارے میں بات کرتے ہوئے کہ انہوں نے میڈیا اور اپنے مداحوں سے خبریں پوشیدہ کیوں رکھی تھیں، اداکار نے کہا کہ میں نے ہمیشہ کوشش کی کہ میں اپنی ذاتی اور پیشہ ورانہ زندگی کو الگ رکھوں۔

یہ بھی پڑھیں | پاکستان میں آج سونے کا ریٹ کیا ہے؟

میں عیسائی پیدا ہوا اور اب مسلمان ہوں

میں اپنے خاندان کا انتہائی محافظ ہوں۔ میری زندگی میں کچھ زیادہ نہیں بدلا۔ میں عیسائی پیدا ہوا تھا اور میں اب اسلام کو فالو کرتا ہوں۔ میں نے 2019 میں رمضان کے مقدس مہینے میں اسلام کو فالو کرنا شروع کیا۔ مجھے بہت سکون ملتا ہے۔ اور دن میں پانچ وقت کی نماز پڑھنے سے سکون ملتا ہے۔لہٰذا، میں یہاں پر تمام قیاس آرائیوں کو ختم کرتا ہوں۔

اداکار نے مزید کہا کہ ہاں، میں شادی شدہ ہوں اور میری ایک چار ماہ کی بیٹی ہے۔ اس کے بارے میں کیا بڑی بات ہے اور یہ کسی کے لئے فکر کی بات کیسے ہے؟  میں نے تقریباً ایک سال قبل مصر میں ایک تقریب میں نوران کے ساتھ شادی کی تھی۔ باپ بننا سب سے شاندار احساس ہے۔ جب بھی میں اپنی بچی کو اپنی بانہوں میں پکڑتا ہوں تو میں اچھا محسوس کرتا ہوں۔ ہم نے اپنی بیٹی کا نام لیان ویوین ڈیسینا رکھا ہے۔