سندھ حکومت نے خواتین کے لیے پنک اسکوٹی اسکیم کے دوسرے مرحلے کا باضابطہ اعلان کر دیا ہے۔ یہ اقدام خواتین کو محفوظ، بااختیار اور خود مختار سفر کے مواقع فراہم کرنے کے لیے اٹھایا گیا ہے۔
صوبائی وزیرِ ٹرانسپورٹ شرجیل انعام میمن کے مطابق پہلے مرحلے میں غیر معمولی کامیابی کے بعد اب دوسرے مرحلے کی تیاری مکمل کر لی گئی ہے جس کے تحت جلد اسکوٹیاں تقسیم کی جائیں گی۔
پنک اسکوٹی اسکیم کیا ہے؟
پنک اسکوٹی اسکیم سندھ حکومت کا ایک خصوصی منصوبہ ہے جو خواتین طلبہ اور ملازمت پیشہ خواتین کو سبسڈائزڈ اسکوٹیاں فراہم کرتا ہے تاکہ وہ آسانی سے تعلیم، ملازمت یا دیگر ضروری کاموں کے لیے سفر کر سکیں۔
یہ اسکیم سندھ کے بڑے عوامی ٹرانسپورٹ منصوبوں کا حصہ ہے جیسے پیپلز بس سروس، پنک بس سروس اور الیکٹرک بس سروس۔
سندھ پنک اسکوٹی اسکیم 2025 کے لیے اہلیت کے معیار
درخواست دینے والی خواتین کو درج ذیل شرائط پوری کرنی ہوں گی:
| اہلیت کی شرط | تفصیل |
| جنس | صرف خواتین |
| عمر کی حد | کم از کم 18 سال |
| رہائش | صوبہ سندھ کی رہائشی |
| ڈرائیونگ لائسنس | درست لائسنس یا لرنر پرمٹ |
| تعلیمی/پیشہ ورانہ حیثیت | طالبات یا ملازمت پیشہ خواتین |
| مالی حیثیت | ترجیح کم یا درمیانی آمدن والی خواتین کو دی جائے گی |
پنک اسکوٹی اسکیم 2025 کے لیے ضروری دستاویزات
درخواست دیتے وقت درج ذیل دستاویزات درکار ہوں گی:
- قومی شناختی کارڈ (CNIC)
- ڈومیسائل یا رہائش کا ثبوت
- پاسپورٹ سائز تصاویر
- ڈرائیونگ لائسنس یا لرنر پرمٹ کی کاپی
- آمدن یا تنخواہ کا ثبوت (اگر دستیاب ہو)
- اسٹوڈنٹ کارڈ (طالبات کے لیے)
سندھ پنک اسکوٹی اسکیم کے لیے2025 درخواست دینے کا طریقہ
درخواست دینے کے لیے درج ذیل مراحل پر عمل کریں:
- سندھ ٹرانسپورٹ ڈیپارٹمنٹ یا پنک اسکوٹی اسکیم کی آفیشل ویب سائٹ (جلد متعارف کرائی جائے گی) پر جائیں۔
- آن لائن رجسٹریشن فارم پُر کریں اور اپنی ذاتی معلومات درج کریں۔
- درکار دستاویزات اپ لوڈ کریں۔
- اپنی کیٹیگری منتخب کریں : طالبہ یا ملازمت پیشہ خاتون۔
- درخواست جمع کروائیں اور تصدیقی رسید محفوظ کر لیں۔
- شارٹ لسٹ ہونے کے بعد آپ سے ٹریننگ اور تصدیق کے لیے رابطہ کیا جائے گا۔
- تمام تقاضے پورے ہونے کے بعد، آپ کو سبسڈی کے تحت اسکوٹی فراہم کی جائے گی۔
ڈرائیونگ تربیت اور لائسنس میں معاونت
سندھ حکومت تمام خواتین کو ڈرائیونگ ٹریننگ کورسز مکمل کرنے اور درست لائسنس حاصل کرنے کی ترغیب دے رہی ہے۔ اس مقصد کے لیے خصوصی ٹریننگ سینٹرز قائم کیے جا رہے ہیں تاکہ خواتین محفوظ انداز میں سواری چلانا سیکھ سکیں۔
سندھ پنک اسکوٹی اسکیم 2025 کے فوائد
- خواتین کی خود مختاری اور نقل و حرکت میں اضافہ
- سستا اور محفوظ سفری ذریعہ
- خواتین کی تعلیم اور ملازمت تک آسان رسائی
- ٹریفک قوانین اور روڈ سیفٹی کے شعور میں اضافہ
