پاکستان –
اداکارہ زویا ناصر نے ان کے ڈریسنگ کے انتخاب پر تنقید کرنے والے انسٹاگرام پر ایک ٹرول کا جواب دیتے ہوئے صارف کو کہا کہ "دفعہ ہو جاؤ”۔
تفصیلات کے مطابق ایک انسٹاگرام صارف نے زویا ناصر کو سالگرہ کی تصویر میں ڈریسنگ کے انتخاب پر ناپسندیدہ تبصرے کئے۔
صارف نے پوچھا کہ مسلمان ہو کر آپ ایسے کپڑے کیوں پہنتی ہیں؟ سوال پر اداکارہ نے جواب دیا کہ آپ کا تو نام بھی مسلمانوں والا نہیں ہے۔ نا ہی انسانوں والا نام ہے۔ آپ پلیز دفعہ ہو جائیں۔
یاد رہے کہ صارف کے اکاؤنٹ پر اس کے نام کی بجائے کیٹی کڈ لکھا تھا۔
اداکارہ کی طرف سے جواب ملنے پر صارف حیران ہو گیا اور کہا کہ آپ نے واقعی مجھے ریپلائی کیا ہے！ میں نے صرف آپ کی توجہ حاصل کرنے کے لئے ایسا کیا ہے۔ مجھے آپ کا جواب مل گیا ہے۔ اب میں یہ کمنٹ ڈلیٹ کر دوں گا کیونکہ مجھے علم ہے کہ اس سے آپ کا دل دکھا ہے۔ صارف نے ساتھ دل والے ایموجی بھی بنائے۔
یہ بھی پڑھیں | مینار پاکستان واقعہ: کیا واقعی عائشہ اکرم اور ریمبو بھاری رقم بٹور چکے ہیں؟
اسٹار نے اس اسکرین شارٹ کو اپلوڈ کیا اور صارف کے منافقانہ طرز عمل کو بھی بے نقاب کیا۔
یاد رہے کہ اداکارہ نے اپنی سالگرہ قریبی دوستوں کے ساتھ منائی جس میں گلوکار اور اداکار فرحان سعید بھی شامل تھے۔
