افغان عبوری حکومت نے پاکستان میں تعینات اپنے اعلیٰ سفارتی نمائندے کو باقاعدہ طور پر سفیر کا درجہ دے دیا ہے۔
یہ اقدام اس وقت سامنے آیا جب حال ہی میں پاکستان نے کابل میں اپنے اعلیٰ سفارتکار کو سفیر کے عہدے پر ترقی دی تھی۔
افغان وزارتِ خارجہ کے مطابق اس فیصلے سے دونوں ہمسایہ ممالک کے درمیان مختلف شعبوں میں تعاون کو فروغ ملے گا۔
وزارت نے اپنے ایک بیان میں کہا ہے کہ وہ پاکستان کی جانب سے کابل میں اپنے سفارتی مشن کو سفیر کے درجے تک بڑھانے کے فیصلے کا خیرمقدم کرتے ہیں۔
مزید یہ کہ افغان وزیر خارجہ امیر خان متقی آئندہ دنوں میں پاکستان کا دورہ کریں گے تاکہ اہم امور پر بات چیت کی جا سکے۔
اس فیصلے کے ساتھ پاکستان چین، متحدہ عرب امارات اور ازبکستان کے بعد طالبان حکومت کے مقرر کردہ سفیر کو تسلیم کرنے والا چوتھا ملک بن گیا ہے۔
یہ بھی پڑھیں : ارشد ندیم نے ایشین ایتھلیٹکس چیمپئن شپ میں گولڈ میڈل جیت لیا
