پاکستان –
گزشتہ روز پاکستان نے ٹی 20 ورلڈکپ میچ میں بھارت کو 10 وکٹوں سے شکست دی جس پر سارے پاکستان میں جشن کا سا سماں تھا۔
پاکستان کی جیت پر صدر مملکت عارف علوی، وزیراعظم عمران خان ، شہباز شریف اور آرمی چیف جنرل قمر جاوید باجوہ سمیت دیگر سیاسی رہنماؤں نے قومی ٹیم کو مبارک باد دی۔
وزیراعظم عمران خان نے ٹویٹر پر ایک تصویر شئیر کی جس میں وہ میچ دیکھ رہے ہیں اور پاکستانی ٹیم کو جیت کی مبارک باد دی۔
انہوں نے کہا کہ پاکستان ٹیم کو مبارکباد اور بابر اعظم کو بھی جنہوں نے پاکستانی ٹیم کو فرنٹ سے لیڈ کیا۔
وزیر اعظم نے مزید لکھا کہ رضوان اور شاہین آفریدی نے شاندار کارکردگی کا مظاہرہ کیا جس پر پوری قوم کو ان پر فخر ہے۔
وزیراعظم عمران خان کے اس ٹویٹ پر پر مریم نواز نے وزیراعظم عمران خان پر سخت تنقید کی۔
مریم نواز نے اپنے ٹوئٹر پیغام میں کہا کہ ملک میں خلقِ خدا بھوک، مہنگائی اور نااہلی سے مر رہی ہے اور ان کو دیکھو! بے ضمیری اور بے حسی کا اگر چہرہ ہوتا تو ایسا ہوتا !
مریم نواز کی اس ٹویٹ پر تحریک انصاف کے رہنماؤں اور حامیوں نے جوابی کارروائی کرتے ہوئے سخت رد عمل دیا۔
سوشل میڈیا صارفین کا کہنا تھا کہ آج کا دن خوشی منانے کا ہے۔ مریم نواز صاحبہ، کو آج کیوں تکلیف ہورہی ہے ؟ کہیں اس تکلیف کی وجہ یہ تو نہیں کہ آپکے انکل مودی کی ٹیم ہار گئی ہے؟
یہ بھی پڑھیں | خیبر پختونخواہ مستحق خاندانوں کو فری طبی سہولیات فراہم کرنے والا پہلا صوبہ بن گیا
مریم نواز کی ٹویٹ کا جواب دیتے ہوئے فرخ حبیب نے کہا کہ میڈم برنول لگایئے جلن تو محسوس ہوگی کیونکہ آپکے انکل مودی کی ٹیم ہار گئی ہے۔
عوام کا مریم نواز سے کہنا تھا کہ آج کے دن تو آپ کو تنقید نہیں کرنی چاہیے تھی۔
