کیا سنیتا مارشل حقیقی زندگی میں عاصمہ جیسی ہیں؟
‘بے بی باجی’ سے سپر ماڈل سے اداکار بننے والی سنیتا مارشل عرف عاصمہ بھابی نے بتای ہے کہ وہ حقیقی زندگی میں اپنے کردار سے کتنی قریب ہیں۔
اے آر وائی زندگی کے پروگرام ’دی نائٹ شو ود ایاز سمو‘ میں اپنے حقیقی اور ریل لائف شوہر حسن احمد عرف نصیر کے ساتھ ایک حالیہ انٹرویو کے دوران، سنیتا مارشل نے انکشاف کیا کہ جیا وہ حقیقی زندگی میں پیاری، عاجز، بے لوث اور معاف کرنے والی عاصمہ جیسی ہیں؟
ان سے جب پوچھا کہ کیا وہ عاصمہ کی طرح انتہائی معصوم ہیں تو انہوں نے کہا کہ بہت سی لڑکیاں ایسی ہوں گی لیکن میں اپنی بات کروں تو میں ایسی نہیں ہوں۔
یہ بھی پڑھیں | چینی خاتون پاکستانی نوجوان کی محبت میں چارسدہ پہنچ گئی
انہوں نے کہا کہ میری رائے میں، زیادہ تر خواتین کو ایسا ہونے پر مجبور کیا جاتا ہے۔ ان کے پاس حالات کو بدلنے کے اختیارات نہیں ہوتے ہیں۔ بہت سی لڑکیاں اپنے بچوں کے واحد والدین ہونے سے ڈرتی ہیں؛ لیکن ایک بار جب ان میں ہمت پیدا ہو جائے تو اپنے لیے بات کرنے کے لئے کوئی چیز انھیں روک نہیں سکتی۔”
ڈیلی سیریل "بےبی باجی” کا تعارف
جہاں تک اے آر وائی ڈیجیٹل کے ڈیلی سیریل ‘بے بی باجی’ کا تعلق ہے، اس ڈرامے کی اداکاروں سے جڑی کاسٹ میں ثمینہ احمد، منور سعید، سعود قاسمی، جویریہ سعود، جنید جمشید نیازی، طوبہ انور، فضل حسین، عائنہ آصف اور فائزہ خان بھی ہیں۔
منصور احمد خان کی تحریر کردہ اور تحسین خان کی ہدایت کاری میں بننے والی ’بے بی باجی‘ روزانہ شام 7 بجے نشر ہوتی ہے۔
