نشے کے عادی شخص نے دو سالہ بچے کو قتل کر دیا
کراچی میں ایک ہولناک واقعہ میں نشے کے عادی شخص نے بیوی سے گھریلو جھگڑے کے بعد اپنے دو سالہ بچے کو قتل کردیا ہے۔
پولیس کے مطابق نشے کے عادی شخص نے نشہ نہ ملنے پر نابالغ کو زمین پر پٹخ دیا۔
جناح اسپتال
یہ شخص اپنے بچے کو نارمل چیک اپ کے لیے جناح اسپتال لے کر آیا لیکن دوائیاں نہ ملنے پر اپنی بیوی سے لڑنے لگا۔
یہ بھی پڑھیں | بلاول بھٹو کی باجور میں پیپلرز پارٹی رہنما کے قتل کی مذمت
یہ بھی پڑھیں | کراچی پولیس اہلکار کو قتل کرنے والا ملزم بیرون ملک فرار
غصے میں آکر اس نے جناح اسپتال کراچی میں اپنے دو سالہ بچے کو زمین پر پٹخ دیا جس پر بچے کی موقع پر ہی موت ہو گئی۔
ایک کمسن لڑکے کے قتل کا لرزہ خیز واقعہ
اس سے قبل پنجاب کے شہر چٹیاں والا میں ایک کمسن لڑکے کے قتل کا لرزہ خیز واقعہ سامنے آیا تھا جسے محلے میں متوفی بچے کی ماں سے بدلہ لینے کے لیے خاتون نے قتل کر دیا تھا۔
ملزم خاتون کی چند روز قبل اسی گلی میں بچے کی ماں سے لڑائی ہوئی تھی۔ بعد ازاں خاتون نابالغ لڑکے ریحان کو گلی سے پکڑ کر اپنی رہائش گاہ لے آئی اور قتل کر دیا۔
