پیر کے روز شہر کے اورنگی ٹاؤن نمبر 5 کے علاقے میں دھماکے کے نتیجے میں رینجرز کا ایک اہلکار شہید اور آٹھ افراد زخمی ہوگئے ہیں۔
ویڈیو دیکھیں :
تفصیلات کے مطابق نجی نیوز کے مطابق دھماکا رینجرز کی گاڑی کے قریب ہوا۔
عینی شاہدین کے مطابق ، دھماکے کی شدت اتنی شدید تھی کہ آس پاس کے لوگوں نے زمین ہلنے کی تصدیق کی۔ حملے میں رینجرز کے دو اہلکار زخمی ہوگئے۔ زخمیوں کو علاج کے لئے قریبی اسپتال منتقل کردیا گیا ہے۔
یہ بھی پڑھیں | کراچی میں پراپرٹی کی قیمتیں آسمان کو چھونے لگیں
پولیس کا کہنا ہے کہ دھماکا سڑک پر نصب بم یا اس جگہ کے قریب موٹرسائیکل پر نصب دھماکہ خیز مواد کی وجہ سے ہوسکتا ہے۔ تاہم ، اس کی مزید تصدیق نہیں ہوسکی۔
دھماکے میں زخمی ہونے والے آٹھ افراد میں سے کچھ کو شدید زخم آئے ہیں۔ دھماکے کے فورا بعد، رینجرز اور پولیس اہلکار پہنچے اور علاقے کو گھیرے میں لے لیا۔
