ڈاکوؤں نے گاڑیاں چھیننے کا نیا طریقہ ڈھونڈ لیا ہے جس کا انکشاف گرفتار مجرموں نے پولیس کے سامنے کیا ہے۔
کراچی کے اہلکاروں نے دو مشتبہ ڈاکوؤں کو گرفتار کر لیا
اینٹی وہیکل لفٹنگ سیل (اے وی ایل سی) کراچی کے اہلکاروں نے دو مشتبہ ڈاکوؤں کو گرفتار کر لیا جو مبینہ طور پر شہریوں سے گاڑیاں چھیننے میں ملوث تھے۔ پوچھ گچھ کے دوران انہوں نے کاریں چھیننے کی اپنی تکنیک کے بارے میں انکشافات کئے ہیں۔
سینئر سپرنٹنڈنٹ پولیس (ایس ایس پی) اے وی ایل سی طارق نواز نے بتایا کہ شہر میں ڈاکوؤں کا ایک نیا گروہ فعال ہوا ہے جو آن لائن کیب سروسز بک کرتا تھا۔ مجرم مسافروں کے بھیس میں سواریاں بک کرتے تھے اور بعد میں بندوق کی نوک پر ڈرائیور سے گاڑی چھین لیتے تھے۔
یہ بھی پڑھیں | کراچی میں جعلی روپیہ، ڈالر اور درہم پرنٹ کرنے والا گروپ گرفتار
یہ بھی پڑھیں | اداکار شان شاہد ضمنی انتخابات میں ووٹ کیوں نا ڈال سکے؟
واضح رہے کہ کراچی میں رواں ماہ دو کار چھیننے کے واقعات رپورٹ ہوئے تھے جن میں مسافروں نے نجی آن لائن کیب سروس کی بکنگ کے بعد گاڑیاں چھین لی تھیں۔ ملزمان نے گلستان جوہر اور گلشن اقبال سے سواریاں بک کیں اور پھر موقع سے فرار ہو گئے۔
اے وی ایل سی افسر نے بتایا کہ انہوں نے گرفتار ملزمان سے دو کاریں اور ایک پستول برآمد کیا ہے جبکہ گینگ کے مزید ارکان کی گرفتاری کے لیے تفتیش جاری ہے۔ پولیس کو گرفتار ملزم کا مجرمانہ ریکارڈ بھی ملا ہے۔
ایس ایس پی طارق نواز نے بتایا کہ دونوں ملزمان ڈکیتی کے مقدمات میں گرفتار ہونے کے بعد جیل بھیج چکے ہیں۔
