چار سال بعد پاکستان ایف اے ٹی ایف کی کرے لسٹ سے  باہر نکل گیا

فنانشل ایکشن ٹاسک فورس

ایک اہم پیش رفت میں، پاکستان جمعے کو فنانشل ایکشن ٹاسک فورس (ایف اے ٹی ایف) کی گرے لسٹ سے نکل گیا ہے۔ 

 پاکستان منی لانڈرنگ اور دہشت گردی کی مالی معاونت کو روکنے کے لیے اپنے نظام میں خامیوں کی وجہ سے جون 2018 سے فہرست میں شامل تھا۔ 

عالمی مالیاتی نگران

دو روزہ سیشن کے بعد، عالمی مالیاتی نگران کے صدر ٹی راجہ کمار نے 34 نکاتی ایکشن پلان کی مکمل تعمیل کرنے کے لیے ملک کی پیش رفت کو تسلیم کیا۔

یہ بھی پڑھیں | نادرا اب شہریوں کو موبائل ایپ کے زریعے سہولت دے گی

یہ بھی پڑھیں | سی پیک بزنس ٹو بزنس فیز میں داخل ہونے کے قریب ہے، وزیر اعظم شہباز شریف

 انہوں نے کہا کہ ٹاسک فورس نے اگست کے آخر میں آن سائٹ کا دورہ کیا تھا اور اس بات کی تصدیق کی تھی کہ پاکستانی قیادت کی جانب سے اعلیٰ سطحی عزم موجود ہے۔ 

پرعزم اور مسلسل کوششوں کا ثبوت

وزیر اعظم شہباز شریف نے اعلان کے بعد کہا کہ پاکستان کا ایف اے ٹی ایف گرے لسٹ سے نکلنا ہماری گزشتہ برسوں کی پرعزم اور مسلسل کوششوں کا ثبوت ہے۔میں اپنی سول اور ملٹری قیادت کے ساتھ ساتھ ان تمام اداروں کو بھی مبارکباد دیتا ہوں جن کی محنت آج کی کامیابی کا باعث بنی۔

 پاکستان کے وزیر خارجہ بلاول بھٹو زرداری نے بھی پاکستانی قوم کو فہرست سے نکالے جانے پر مبارکباد دی۔