پاکستان ٹیلی کمیونیکیشن اتھارٹی (پی ٹی اے) نے بدھ کے روز میسجنگ سروس واٹس ایپ کے حوالے سے بڑھتی ہوئی تشویش کے بعد واٹس ایپ کی نئی پرائیویسی پالیسی کی شرائط سے متعلق وضاحتی بیان جاری کیا۔
ٹویٹس کی ایک سیریز میں ، ٹیلی کام ریگولیٹر نے عام لوگوں کے خدشات کے پیش نظر فیس بک اور واٹس ایپ کے ذریعہ ایک وضاحت شیئر کی۔
پی ٹی اے نے بتایا کہ پرائیوسی کی پالیسی اس سال 8 فروری کو نافذ العمل ہو گی۔ پی ٹی اے نے وضاحت کی کہ واٹس ایپ کی پرائیوسی پالیسی کا مقصد یہ ہے کہ لوگوں کے لئے خریداری اور براہ راست واٹس ایپ پر کسی کاروبار سے مدد حاصل کرنا آسان ہوجائے۔
پی ٹی اے اتھارٹی نے شہریوں کو یقین دلایا کہ سروس کی نئی شرائط اس بات پر اثرانداز نہیں ہوتی ہیں کہ لوگ دوستوں یا فیملی کے ساتھ نجی طور پر کیسے بات چیت کرتے ہیں۔ اس میں مزید کہا گیا کہ واٹس ایپ کی چیٹس اب بھی اینڈ-ٹو-اینڈ اینکریپشن کے زریعے خفیہ ہیں۔
یہ بھی پڑھیں | واٹس ایپ الرٹ: آپ کا فون دس سیکنڈ میں ہیک ہو سکتا ہے۔
واٹس ایپ ڈیٹا کی کچھ مخصوص اقسام کا اشتراک کرتا ہے – جس میں اکاؤنٹ کی رجسٹریشن کی معلومات (جیسے فون نمبر) ، صارفین دوسروں کے ساتھ کیسے کاروبار کرتے ہیں (کاروبار) اور صارف کا آئی پی ایڈریس جس میں سالمیت کو فروغ دینا ، انفراسٹرکچر کو بہتر بنانے اور سپیم کے خلاف جنگ کرنا ہے۔
پی ٹی اے نے کہا کہ پرائیوسی پللیسی کا مقصد بہتر نظام ہے جس سے صارفین اپنے فیس بک کمپنی کے مصنوعات کے ساتھ اپنے واٹس ایپ کے تجربات کو شئیر کرسکتے ہیں اور فیس بک کمپنی مصنوعات میں مشمولات (بشمول اشتہارات اور دوست کی تجاویز) کو شئیر کرسکتے ہیں ۔
ریگولیٹر نے کہا کہ سروس کی نئی شرائط کے ذریعے واٹس ایپ لوگوں کو واٹس ایپ پر براہ راست بات چیت کرکے خریداری اور کاروبار میں مدد حاصل کرنا آسان بنا رہا ہے۔ پی ٹی اے نے کہا کہ صارفین کو کسی ایسے کاروبار سے گفتگو کے بارے میں مطلع کیا جائے گا جس نے اپنے واٹس ایپ مسیجز کو سنبھالنے کے لئے فیس بک یا کسی تیسری پارٹی کو استعمال کرنے کا انتخاب کیا ہے تاکہ وہ منتخب کرسکیں کہ اس کاروبار کے ساتھ بات چیت کرنا ہے یا نہیں۔
ریگولیٹر نے کہا کہ اگر کوئی صارف واٹس ایپ کے ذریعے بزنس ایپ کے ذریعے کاروبار کو پیغامات بھیجنے کے لئے واٹس ایپ کا استعمال شروع کردے تو پھر ان کی خدمات کو بہتر بنانے کے لئے خریداری کے اعداد و شمار کو تاجروں اور فیس بک کے ساتھ شیئر کیا جاسکتا ہے۔ پی ٹی اے نے کہا ہے کہ اس سے نجی پیغامات اور آپ کے دوستوں اور اہل خانہ کے ساتھ آنے والی کالوں پر کوئی اثر نا پڑے گا۔
واٹس ایپ فیس بک سمیت کسی کے ساتھ نمبرز کی فہرستیں بانٹتا نہیں ہے۔ پی ٹی اے نے کہا کہ وہ صارف جو خدمات کی نئی شرائط کو قبول نہیں کررہے ہیں وہ اپنے اکاؤنٹ سے محروم نہیں ہوں گے لیکن جب تک کہ وہ نئی پالیسیوں سے متفق نہیں ہوں گے واٹس ایپ کو استعمال کرنے کی اجازت نہیں ہوگی۔
