پرویز الٰہی مسلم لیگ ق میں واپس آنا چاہتے ہیں

مسلم لیگ (ق) پنجاب کے جنرل سیکرٹری چوہدری شفیع حسین کا کہنا ہے کہ چوہدری پرویز الٰہی واپس آنا چاہتے ہیں لیکن اسپین میں بیٹھا شخص راضی نہیں ہو رہا ہے۔

لاہور میں میڈیا سے گفتگو کرتے ہوئے انہوں نے کہا کہ پرویز الٰہی کو مسلم لیگ (ق) میں واپسی کی باقاعدہ دعوت دی گئی ہے۔ چوہدری شفیع حسین نے کہا کہ سپین میں بیٹھا شخص کہتا ہے کہ وہ تحریک انصاف کے ساتھ ہیں۔

انہوں نے کہا کہ ہم ایک خاندان ہیں جب کہ سیاسی طور پر انہوں نے خود فیصلہ کرنا ہے تاہم مونس الٰہی ایک سال پہلے ہی کہہ چکے ہیں کہ سیاست ان کی اپنی ہے۔

انہوں نے کہا کہ چوہدری شجاعت اور چوہدری پرویز الٰہی کے درمیان ملاقات مثبت رہی۔ چوہدری شفیع نے کہا کہ مستقبل میں مسلم لیگ (ن) کے ساتھ سیٹ ایڈجسٹمنٹ ہو سکتی ہے۔

ان کا مزید کہنا تھا کہ عید کے بعد پاکستان بھر سے کئی سیاسی شخصیات مسلم لیگ (ق) میں شمولیت اختیار کریں گی۔
یہ بھی پڑھیں | تحریک انصاف نے پرویز خٹک کو شوکاز نوٹس بھیج دیا