پاکستان کرکٹ بورڈ
پاکستان کرکٹ بورڈ (پی سی بی) نے بدھ کے روز ہالینڈ کے خلاف 16 سے 21 اگست تک تین ون ڈے میچوں کی سیریز اور 27 اگست سے 11 ستمبر تک متحدہ عرب امارات میں کھیلے جانے والے اے سی سی ٹی ٹوئنٹی ایشیا کپ کے لیے ٹیموں کا اعلان کر دیا ہے۔
واضح رہے کہ حسن علی کی جگہ فاسٹ باؤلر نسیم شاہ کو شامل کیا گیا ہے جب کہ ون ڈے میچز کے لیے 2021 میں انگلینڈ کا دورہ کرنے والے سلمان علی آغا کو پاکستان کے اسکواڈ میں واپس بلا لیا گیا ہے۔
اس کے علاوہ اسٹار فاسٹ بولر شاہین آفریدی کو ون ڈے اور ٹی ٹوئنٹی اسکواڈ میں برقرار رکھا گیا ہے، اور ان کی بحالی کے پروگرام کی نگرانی ٹیم ٹرینر اور فزیو تھراپسٹ کریں گے، جو ان کی بین الاقوامی کرکٹ میں واپسی کا فیصلہ بھی کریں گے۔
یہ بھی پڑھیں | آئی سی سی ورلڈ کپ: کیا پاکستان اور انڈیا کا فائنل ممکن ہے؟
یہ بھی پڑھیں | آئی سی سی ٹیسٹ رینکنگ: فہد مصطفی کی جانب سے بابر اعظم کی تعریف
اے سی سی ٹی 20 ایشیا کپ
اے سی سی ٹی 20 ایشیا کپ ٹیم میں نیدرلینڈز کے ون ڈے سکواڈ سے پانچ تبدیلیاں کی جائیں گی۔ عبداللہ شفیق، امام الحق، محمد حارث، سلمان علی آغا اور زاہد محمود کی جگہ آصف علی، حیدر علی، افتخار احمد اور عثمان قادر شامل ہوں گے۔
اسکواڈ: نیدرلینڈز ون ڈے کے لیے پاکستانی اسکواڈ میں بابر اعظم (کپتان)، شاداب خان (نائب کپتان)، عبداللہ شفیق، فخر زمان، حارث رؤف، امام الحق، خوشدل شاہ، محمد حارث، محمد نواز، محمد رضوان، نسیم شاہ، سلمان علی آغا، شاہین آفریدی، شاہنواز ڈہانی اور زاہد محمود، محمد وسیم جونیئر شامل ہیں۔
اے سی سی ٹی ٹوئنٹی ایشیا کپ کے لیے پاکستانی اسکواڈ: بابر اعظم (کپتان)، شاداب خان (نائب کپتان)، آصف علی، فخر زمان، حیدر علی، حارث رؤف، افتخار احمد، خوشدل شاہ، محمد نواز، محمد رضوان، محمد وسیم جونیئر، نسیم شاہ، شاہین آفریدی، شاہنواز ڈاہنی اور عثمان قادر۔
