پاکستان اور افغانستان میں پولیو کے کیسز میں حالیہ اضافہ تشویشناک صورت حال اختیار کر چکا ہے خاص طور پر پاکستان میں 2024 کے دوران اب تک 26 کیسز رپورٹ ہو چکے ہیں۔
ان کیسز میں سے 15 بلوچستان، 7 سندھ، 2 خیبر پختونخوا اور ایک کیس پنجاب اور اسلام آباد سے رپورٹ ہوئے ہیں۔ حال ہی میں کراچی اور سجاول میں نئے کیسز سامنے آئے ہیں، جن میں ایک سات سالہ بچی اور ایک 12 ماہ کا بچہ شامل ہیں۔
پولیو وائرس کے دوبارہ پھیلاؤ سے حکومت کی بیماری کے خاتمے کی کوششوں کو شدید دھچکا لگا ہے۔ اگرچہ ویکسین کے ذریعے اس بیماری کا مؤثر طریقے سے علاج ممکن ہے مگر کئی بچے ویکسین سے محروم ہیں خاص طور پر دیہی اور پسماندہ علاقوں میں۔ حکومت اور عالمی صحت کے ادارے ان علاقوں میں ویکسینیشن مہمات کو تیز کر رہے ہیں تاکہ ہر بچے تک رسائی کو یقینی بنایا جا سکے۔
افغانستان میں بھی پولیو وائرس کے کیسز میں اضافہ دیکھا گیا ہے جو اس علاقے میں پولیو کے مکمل خاتمے کی راہ میں ایک بڑی رکاوٹ ہے۔
