پاکستان آخری حربے کے طور پر افغانستان کے اندر کارروائی کرسکتا ہے، بلاول بھٹو

پاکستان آخری حربے کے طور پر افغانستان کے اندر کارروائی کرسکتا ہے

 وزیر خارجہ بلاول بھٹو زرداری نے اس بات کا اشارہ دیا ہے کہ پاکستان افغانستان سے پیدا ہونے والے دہشت گردی کے خطرے سے نمٹنے کے آخری حربے کے طور پر افغانستان کے اندر کارروائی کر سکتا ہے۔

ہم اپنے دفاع کے لیے بین الاقوامی قانون کے تحت کام کریں گے۔ اگر افغان حکام عمل نہیں کرتے ہیں تو اندرون خانہ کارروائی آپشنز میں سے ایک ہو سکتی ہے لیکن یہ پہلا آپشن نہیں ہے۔

یہ گفتگو بلاول بھٹو نے وزیر خارجہ کی تبدیلی کے انتظامی اصلاحات کے تحت ڈیجیٹل نظام کے آغاز کے موقع پر ایک سوال کا جواب دیتے ہوئے کی۔

یہ بھی پڑھیں | حکومت نے پیٹرول کی قیمت میں 19 روپے 95 پیسے فی لیٹر اضافہ کردیا

افغان طالبان کی مدد کے لئے تیار ہیں

تاہم انہوں نے کہا کہ پاکستان کو یقین ہے کہ افغان عبوری حکومت ان کے ملک کو خطرہ بننے والے دہشت گرد گروپوں کے خلاف کارروائی کرے گی۔ انہوں نے کہا کہ اگر صلاحیت کا مسئلہ ہے تو ہم ان (افغان طالبان) کی مدد کے لیے تیار ہیں۔

ان کا یہ بیان حالیہ مہینوں میں پاکستان میں دہشت گردانہ حملوں میں اضافے کے پس منظر میں آیا ہے۔ باجوڑ دہشت گردی کا تازہ ترین حملہ ہے جس میں سینکڑوں لوگ جاں بحق ہوئے ہیں۔

 پاکستان نے دہشت گرد حملوں میں اضافے کے لیے سرحد پار دہشت گردوں کی پناہ گاہوں کو ذمہ دار ٹھہرایا ہے۔ پاکستان کی جانب سے بار بار یہ کا جا رہاہے کہ کالعدم ٹی ٹی پی اور اس سے وابستہ تنظیمیں افغانستان سے بلاامتیاز کارروائیاں کر رہی ہیں۔

تاہم طالبان حکومت نے اس کی تردید کی ہے اور کہا ہے کہ وہ افغان سرزمین کو کسی ملک کے خلاف استعمال کرنے کی اجازت نہیں دے گی۔

یہ بھی پڑھیں | نیٹ فلیکس نے اگست 2023 کو ریلیز ہونے والی تمام فلموں کی فہرست جاری کر دی

ریاست کی رٹ قائم کی جائے گی

 دریں اثناء وزیر خارجہ بلاول بھٹو نے کہا ہے کہ ریاست کی رٹ ہر قیمت پر قائم کی جائے گی اور حکومت عسکریت پسندوں یا دہشت گرد تنظیموں کو خوش کرنے کے لیے اقدامات نہیں کرے گی۔ انہوں نے کہا کہ انہوں نے وزیراعظم کو ملک میں دہشت گردی اور مجرمانہ واقعات کے مسئلے سے نمٹنے کے لیے اپیکس کمیٹی کا اجلاس بلانے کی تجویز دی ہے۔

انہوں نے کہا کہ کابل میں طالبان حکومت کے بعد دہشت گردی کے واقعات میں اضافہ ہوا ہے۔ انہوں نے مزید کہا کہ غیر ملکی افواج کا پیچھے چھوڑا جانے والا جدید ترین اسلحہ اور گولہ بارود دہشت گرد تنظیموں اور جرائم پیشہ تنظیموں، اور یہاں تک کہ ڈاکوؤں کے ہاتھ میں آگیا ہے جو حکومت کے لیے ایک چیلنج ہے۔