پاکستانی اداکار ذہاب خان اداکارہ وانیہ ندیم کے ساتھ شادی کے بندھن میں بندھ گئے ہیں جس کا انٹرنیٹ پر خوب چرچا ہو رہا ہے۔
شادی کے کلپس سوشل میڈیا پلیٹ فارم انسٹاگرام پر وائرل ہو رہے ہیں۔
ذہاب خان اور وانیہ ندیم دونوں نے سفید رنگ کا لباس پہنا۔ سوشل میڈیا صارفین نے ان کے مستقبل کے لیے نیک خواہشات کا اظہار کیا۔
یاد رہے کہ چند روز قبل ذہاب خاننے ایک انٹرویو میں اپنی شادی کا عندیہ دیا تھا۔
سال 2023 میں انہوں نے اپنی ساتھی اداکار وانیہ ندیم کے ساتھ اپنے تعلقات کی تصدیق کرتے ہوئے اپنی شادی کے حوالے سے سوال کا جواب نہیں دیا تھا۔
ذہان خان کون ہیں؟
ذہاب خان ایک پاکستانی اداکار ہیں جنہوں نے اپنے کیرئیر کا آغاز اشتہارات سے کیا اور بعد میں اداکاری میں قدم رکھا۔ انہوں نے مختلف مقبول سیریز میں کردار ادا کر کے اپنا نام بنایا۔
