وفاقی حکومت کی عوام کو وارننگ،احتیاط کا ایک اور مشورہ دے دیا

 مئی 13 2020: (جنرل رپورٹر) احتیاط کریں ورنہ سخت لاک ڈاؤن کرنا ہو گا- بازاروں میں ایسے رش لگا ہے جیسے کورونا ختم ہو چکا ہو– عید کی تیار بھی کریں اور حفاظتی تدابیر پر عمل بھی- وفاقی حکومت نے ایک بار پھر عوام کو خبردار کر دیا

تفصیلات کے مطابق وفاقی وزیر برائے منصوبہ بندی اور نیشنل کمانڈ اینڈ آپریشن سینٹر این سی او سی کے سربراہ اسد عمر کہتے ہیں کہ بازاروں میں تو ایسے رش لگا ہوا ہے جیسے کورونا ختم ہو گیا ہو- انہوں نے کہا کہ یہ نہیں کہتے کہ شہری عید کی تیاری نا کریں لیکن ساتھ ڈاکٹرز کی بتائی گئی تجاویز پر عمل بھی کریں اسی بھی سب کا فائدہ ہے

اسد عمر نے کہا کہ اگر عوام نے بےاحتیاطیاں برتنی شروع کر دیں تو مجبورا سخت لاک ڈاؤن کی طرف آنا پڑے گا- وہ منگل کو ٹائیگت فورس سے خطاب کر رہے تھے- انہوں نے کہا کہ ٹائیگر فورس ضلعی انتظامیہ کے ساتھ مل کر کام کرے گی

کورونا ٹائیگر فورس سے خطاب کرتے ہوئے اسد عمر نے کہا کہ ہمارے پاس بڑی تعداد میں رضاکار موجود ہیں- صرف اسلام آباد ریجن میں 14 ہزار سے زائد رضاکار ہیں- ٹائیگر فورس کو ذمہ داریاں ضلری انتظامیہ کی طرف سے دی جائیں گی- آپ کی مدد سے یوٹیلٹی اسٹورز کی مانیٹرنگ, فوڈ سیفٹی اور دیگر معاملات میں مدد ملے گی- کہا کہ ضرورت مند افراد کا ڈیٹا حاصل کرنے میں بھی آسانی ہو گی

وفاقی وزیر نے مزید کہا کہ امید ہے عوام کورونا سے پیدا ہونے والی سنگین صورتحال کا ادراک کرے گی- اگر احتیاطی تدابیر اور حفاظتی اقدامات پر عمل نہیں کیا جاتا تو دوبارہ سے پابندیاں لگائی جا سکتی ہیں

ٹائیگر فورس سے متعلق اسد عمر کا مزید کہنا تھا کہ تحریک انصاف کے رہنما عثمان ڈار نے بڑی محنت سے ٹائیگر فورس کو فعال کیا ہے- اب حکومت کی بھی ذمہ داری ہے کہ ٹائیگر فورس کی مدد کریں- کہا کہ عوام کے لئے آسانیاں پیدا کرنے کی کوشش کریں گے

دریں اثناء وزیر اعظم عمران خان نے ٹائیگر فورس کو فعال کرنے کی ہدایت کی ہے- کہا کہ وہ نوجوان قوم کے لئے ہیرو اور ملک کا سرمایہ ہیں جو مشکل وقت میں باہر نکلنے کے لئے تیار ہیں- ان کے ساتھ مکمل تعاون کیا جائے گا

وزیر اعظم عمران خان نے ٹائیگر فورس سے متعلقہ اعلی سطحی اجلاس کی صدارت کے دوران بریفنگ دی اور ٹائیگر فورس کو فعال کرنے کے  حوالے سے ہدایات جاری کیں- وزیر اعظم نے صوبائی سطح پر ہفتہ وار رپورٹ پیش کرنے کی بھی ہدایت کی

وزیر اعظم نے اپنے اجلاس کی صدارت میں کہا کہ ٹائیگر فورس کو ضلعی اور یونین کونسل کی سطح تک متحرک کریں ان سے احساس لیبر رجسٹریشن پروگرام کے حوالے سے بھی مدد لیں

واضح رہے کہ وفاقی وزیر اسد عمر نے ایک بار پھر وارننگ دیتے ہوئے کہا ہے کہ عوام احتیاطی تدابیر اختیار کرے ورنہ ایک بار پھر سخت لاک ڈاؤن کی طرف جا سکتے ہیں