وفاقی وزیر تعلیم شفقت محمود نے آج منگل کو ٹویٹر کے زریعے بتایا کہ ان کا کرونا ٹیسٹ پازیٹو آیا ہے تاہم وہ ٹھیک ہیں بس ہلکی سی علامات ہیں۔
انہوں نے مزید کہا کہ ان شاء اللہ جلد تندرست ہو جاؤں گا۔
نجی نیوز کے مطابق ، وفاقی وزیر نے کرونا وائرس کا شکار ہونے سے قبل ایک روز قبل ہی ایک پروگرام میں حصہ لیا تھا۔ تقریب میں وزیر اعظم عمران خان کے معاون خصوصی عثمان ڈار اور دیگر افراد بھی موجود تھے۔
یہ بھی پڑھیں | سکول کھلنے اور امتحانات کا معاملہ، شفقت محمود آج اعلان کریں گے
ذرائع نے بتایا کہ وزیر تعلیم نے ہلکی علامات محسوس کرنے کے بعد کرونا وائرس کا خود ٹیسٹ کروایا تھا۔ تاہم ، وزیر تعلیم نے خود کو قرنطینہ کرنے کے بجائے ، اس تقریب میں شرکت کی جہاں وہ تقریب کے مہمان خصوصی ہونے کے ناطے اسٹیج پر بھی آئے اور وہاں موجود نوجوانوں اور کچھ عہدیداروں سے بات کی۔
زرائع کے مطابق ایک دن قبل وزیر تعلیم شفقت محمود نے بین الصوبائی وزیر تعلیم کانفرنس (آئی پی ای ایم سی) کی صدارت کی تھی جس میں 20 جون کے بعد کلاس 10 اور 12 کے امتحانات منعقد کرنے کا فیصلہ کیا گیا تھا۔
اجلاس کے اختتام کے بعد جاری ہونے والی ایک سرکاری پریس ریلیز کے مطابق ، موسم گرما کی تعطیلات محدود ہوں گی اور اس متعلق ختمی فیصلہ صوبہ فیصلہ کرے گا۔
آئی پی ای ایم سی کے چیئرمین شفقت محمود نے تمام وفاقی یونٹوں پر زور دیا تھا کہ وہ اساتذہ ، نگران عملہ اور دیگر انتظامی عملے کی بروقت ویکسنیشن کو یقینی بنائیں۔
