وزیراعظم ایک روزہ دورے پر کراچی روانہ
وزیراعظم محمد شہباز شریف ایک روزہ دورے پر اسلام آباد سے کراچی روانہ ہو گئے ہیں۔
تفصیلات کے مطابق اپنے اس دورے کے دوران وہ لیپ ٹاپ اور وزیراعظم یوتھ بزنس لون کی تقسیم کی تقریب میں شرکت کریں گے۔ وہ سندھ کے ہونہار نوجوانوں میں چیک بھی تقسیم کریں گے۔
کراچی میں اپنی مصروفیات کے تحت گورنر اور وزیراعلیٰ سندھ الگ الگ وزیراعظم سے ملاقات کریں گے۔ پاکستان بزنس کونسل کا وفد بھی وزیراعظم سے ملاقات کرے گا۔
بعد ازاں شہباز شریف سہون اور لاڑکانہ میں سیلاب متاثرین کے لیے نئے تعمیر شدہ مکانات کی افتتاحی تقریب میں شرکت کریں گے۔ اس موقع پر وہ تقریب سے خطاب بھی کریں گے۔
یہ بھی پڑھیں | آئی ایم ایف کی شرائط پر بجلی کے نرخ بڑھائے گئے، وزیراعظم شہباز شریف
وزیراعظم کراچی چیمبرز آف کامرس اینڈ انڈسٹری کے زیر اہتمام ایکسپورٹ ایوارڈز کی تقریب میں شرکت کریں گے اور نمایاں کمپنیوں میں ان کی بہترین کارکردگی پر ایوارڈز تقسیم کریں گے۔ کراچی چیمبر اور کامرس اینڈ انڈسٹری کے اراکین بھی وزیراعظم سے ملاقات کریں گے۔
