پاکستان کی معروف اور خوبصورت اداکارہ منشا پاشا کو مداحوں کی جانب سے بھارتی اداکارہ سارہ علی خان سے مشابہہ قرار دیا گیا ہے اور انہیں پاکستان کی سارہ خان کا لقب بھی دیا گیا ہے۔
تفصیلات کے مطابق منشا پاشا نے سوشل میڈیا ویب سائٹ انسٹاگرام پر مداحوں کے لئے سوال و جواب کا سیشن رکھا تھا جس میں انہیں ان کے ایک مداح کا پیغام موصول ہوا کہ آپ پاکستان کی سارہ علی خان ہیں۔
مداح کی اس تعریف کے جواب میں منشا پاشا نے جواب دیا کہ مجھے ایسا نہیں لگتا ہے ہاں مگر میں نے اپنے متعلق یہ بات پہلے بھی کافی دفعہ سنی ہے۔
یہ بھی پڑھیں | پاکستان جنرل اسمبلی اقوام متحدہ میں فلسطین کا مسئلہ اٹھائے گا
واضح کرتا چلوں کہ منشا پاشا نے حال ہی میں سماجی کارکن جبران ناصر سے شادی کی ہے جس کے بعد دونوں رشتہ ازدواج میں منسلک ہو گئے ہیں۔
منشا پاشا نے کئی ڈاموں میں کام کیا جبکہ انہوں نے فلم ’چلے تھے ساتھ‘ کے ساتھ فلمی دنیا میں قدم رکھا اور اسی برس ریلیز ہونے والی فلم ‘لال کبوتر’ میں بھی ان کی جانب سے مرکزی کردار ادا کیا گیا تھا۔
دوسری جانب سارہ علی خان، جن کے مشابہ قرار دیا گیا، وہ بھارت کی ابھرتی ہوئی اداکارہ اور سیف علی خان کی بیٹی ہیں۔
