مئی 07 2020: (جنرل رپورٹر) ملک بھر میں تجارتی مراکز کھولنے کی تجویز دی گئی تھی جسے منظور کر لیا ہے جبکہ سکول اور ٹرانسپورٹ کھولنے متعلق خیبر پختونخواہ کے علاوہ باقی صوبوں نے مخالفت کر دی ہے
نیشنل کمانڈ اینڈ آپریشن سینٹر این سی او سی کے ہونے والے اجلاس میں تجارتی مراکز کھولنے کی تجویز دے دی گئی ہے جبکہ تجارتی مراکز صبح 11 بجے سے شام 5 بجے تک اور رات 8 سے 12 بجے تک کھلا کریں گے– تعلیمی ادارے, ریلوے اور بین الصوبائی ٹرانسپورٹ کو صوبوں نے بند رکھنے کی حمایت کی ہے
این سی او سی کے اجلاس میں وزیر اعلی سندھ مراد علی شاہ کا کہنا تھا کہ عید الفطر کے موقع پر بھی ایس او پیز بنائے جائیں اور ان پر عملدرآمد کو لازمی قرار دے دیا جائے- ہمیں عید منانی ہے لیکن کورونا کو بھی پھیلنے سے روکے رکھنا ہے
وزیر اعظم عمران خان نے اس متعلق سفارشات کو ختمی اور عملی جامہ پہنانے کے لئے قومی رابطہ کمیٹی کا اجلاس جمعرات کو طلب کر لیا ہے- یاد رہے کہ یہ اجلاس بدھ کو ہونا تھا جسے موخر کر دیا گیا ہے
زرائع کے مطابق جمعرات کو قومی رابطہ کمیٹی کے ہونے والے اجلاس میں سفارشات کا جائزہ لیا جائے اور ایس او پیز منظور کئے جائیں گے- امکان ظاہر کیا جا رہا ہے کہ دی جانے والی تجاویز کی منظوری کے بعد 11 مئی سے تجارتی مراکز کھول دئیے جائیں گے
تفصیلات کے مطابق وفاقی وزیر منصوبہ بندی اسد عمر کی زیر صدارت این سی او سی کا اجلاس ہوا- اس اجلاس میں لاک ڈاؤن میں نرمی اور 9 مئی کے بعد والی صورتحال کا جائزہ لیا گیا- جبکہ کورونا وائرس کی وجہ سے چاروں صوبوں کے وزراء نے وڈیو لنک کے زریعے شرکت کی- اجلاس میں ہونے والی باہمی مشاورت سے سفارشات تیار کر لی گئی ہیں جس کے مطابق 11 مئی سے تجارتی مراکز کھول دئیے جائیں گے نیز پبلک ٹرانسپورٹ اور ڈومیسٹک پروازوں کو بھی کھولنے کی تجویز پیش کی گئی ہے
این سی او سی کی سفارشات میں سکولز بڑے شاپنگ مالز میرج ہال اور ریلوے کو بند رکھنے کی تجویز پیش کی گئی ہے
مراد علی شاہ نے وڈیو لنک کے زریعے اجلاس سے خطاب میں کہا کہ لاک ڈاؤن میں نرمی سے فائدہ ہوا ہے لیکن صوبہ میں اموات اور کیسز کی شرح بڑھ رہی ہے
ملنے والی سفارشات میں اتوار کو مکمل لاک ڈاؤن کی تجویز دی گئی ہے جبکہ کسی قسم کے جلسے جلوس کی بھی اجازت نہیں ہو گی- خیبر پختونخواہ نے سکول سمیت ریل سروس کھولنے کی حمایت کی ہے جبکہ باقی تین صوبوں کی جانب سے اس پر اتفاق نہیں ہو سکا ہے
