مریم نواز کے وزیر اعظم کے لئے نامناسب الفاظ کے بعد سوشل میڈیا صارفین برہم

پاکستان –

مسلم لیگ ن

کی نائب صدر مریم نواز شریف نے حال ہی میں وزیراعظم عمران خان پر سخت تنقید کرتے ہوئے کالی دال کا ذکر کیا جس کے بعد سوشل میڈیا صارفین نے مریم نواز پر سخت برہمی کا اظہار کیا ہے۔

تفصیلات کے مطابق مریم نواز نے ایک تقریب سے خطاب کے دوران وزیراعظم عمران خان پر تنقید کی اور کہا کہ عمران خان اپنے جسم پر کالی دال مل کر بیٹھا رہتا ہے۔ لاشوں کے پاس نہیں جاتا کیونکہ اس کو منع کیا گیا ہے۔ ڈی جی آئی ایس آئی کی تعیناتی اس لئے روکی جاتی ہے کیونکہ جنات کا ٹائم فریم میچ نہیں کرتا۔

پاکستان تحریک انصاف کے ٹویٹر سوشل میڈیا صارفین نے مریم نواز کے اس بیان کو غیر سنجیدہ قرار دیا اورسخت تنقید کی۔

یہ بھی پڑھیں | چین نے امریکہ کو پیچھے چھوڑ دیا؛ امیر ترین ملک بن گیا   

تحریک انصاف کی رہنما عالیہ حمزہ نے بھی مریم نواز کے  بیان پر تنقید کرتے ہوئے کہا کہ ایسے بیانات فرسٹریشن اور بے بسی کا منہ بولتا ثبوت ہیں۔ انہوں نے جوابی کاروائی کرتے ہوئے کہا کہ ان کے باپ لندن میں، 1500 ریال والے شوہر اور بیٹا اپنی زندگیوں میں مگن ہیں کوئی اس خاتون کو ذہنی امراض کے ڈاکٹر کو دکھادے۔

جویریہ شاہ نے کہا کہ لگتا ہے ایسے کام مریم نواز شریف خود کرتی ہیں تبھی انہیں تمام معلومات ہیں۔

ایک اور صارف نے کہ ایسی باتیں کرنے والی خود کو وزیر اعظم دیکھنا چاہتی ہے۔