مریم نواز نواز شریف سے ملاقات کے لیے دبئی روانہ

وزیراطلاعات مریم اورنگزیب نے بتایا ہے کہ پاکستان مسلم لیگ ن کی سینئر نائب صدر اور چیف آرگنائزر مریم نواز آج ہفتہ کو دبئی، متحدہ عرب امارات روانہ ہوگئ ہیں۔

ٹویٹر پر وزیر اطلاعات نے بتایا کہ مسلم لیگ (ن) کے رہنما نواز شریف پہلے ہی دبئی پہنچ چکے ہیں۔ انہوں نے مزید کہا کہ شریف خاندان کے دیگر افراد بھی وہاں موجود ہیں۔

دبئی آنے سے قبل مسلم لیگ ن کے رہنما نے لندن میں وزیراعظم شہباز شریف سے تفصیلی ملاقات کی جس میں پاکستان کی سیاسی صورتحال پر تبادلہ خیال کیا گیا۔

یہ بھی پڑھیں | وزیراعظم شہباز شریف نواز شریف سے ملاقات کے لیے آج لندن روانہ ہوں گے

وزیراعظم فرانس کا دورہ مکمل کرنے کے بعد لندن پہنچے تھے جہاں انہوں نے پیرس میں نیو گلوبل فنانشل پیکٹ سمٹ میں شرکت کی۔

ذرائع کا کہنا ہے کہ نواز شریف کا دبئی سے حج کے لیے سعودی عرب جانے کا بھی امکان ہے۔