لاہور ایک دفعہ پھر پاکستان کا آلودہ ترین شہر قرار

لاہور آلودہ ترین شہر قرار

لاہور، باغات کا شہر ایک بار پھر گلوبل ایئر کوالٹی انڈیکس کے مطابق پاکستان کا سب سے آلودہ شہر بن گیا ہے۔

تفصیلات کے مطابق، صوبائی دارالحکومت سب سے زیادہ آلودہ شہروں کی فہرست میں سرفہرست ہے جس میں ہوا کے معیار کا انڈیکس 241 ریکارڈ کیا گیا۔ 

 لاہور کے بعد، فیصل آباد دوسرے نمبر پر ہے جس میں ایئر کوالٹی انڈیکس 230 ریکارڈ کیا گیا ہے۔ 151 سے 200 تک کا گلوبل ایئر کوالٹی انڈیکس غیر صحت بخش سمجھا جاتا ہے جب کہ 201 سے 300 کے درمیان گلوبل ایئر کوالٹی انڈیکس زیادہ نقصان دہ ہے اور 300 سے زیادہ گلوبل ایئر کوالٹی انڈیکس کو انتہائی خطرناک سمجھا جاتا ہے۔ 

لاہور بمقابلہ کراچی گلوبل ایئر کوالٹی انڈیکس

لاہور شہر جو 11 ملین افراد کا گھر ہے سموگ کی لپیٹ میں ہے، جس کی وجہ سے رہائشیوں میں سانس لینے میں دشواری، بینائی دھندلی اور آنکھوں میں جلن ہو رہی ہے۔ جبکہ کراچی نسبتاً بہتر رہا اور ہوا کا معیار 117 ریکارڈ کیا گیا۔

یہ بھی پڑھیں | ایبٹ آباد پولیس نے چار کارکنان شہید اور سینکڑوں زخمی کئے، ٹی ایل پی

یہ بھی پڑھیں | پاور بریک ڈاؤن پر انکوائری رپورٹ سوموار کو سامنے آئے گی، خرم دستگیر

اس سے قبل کراچی ایک بار پھر گلوبل ایئر کوالٹی انڈیکس میں دنیا کے آلودہ ترین شہروں کی فہرست میں سرفہرست ہے۔ 

فضا میں موجود زہریلے ذرات

 ماہرین کے مطابق موسم گرما کے مقابلے میں سردیوں میں ہوا زیادہ بھاری ہوجاتی ہے جس سے فضا میں موجود زہریلے ذرات نیچے کی طرف بڑھتے ہیں اور فضا آلودہ ہوجاتی ہے۔ 

 نتیجے کے طور پر، آلودہ ذرات کی ایک تہہ جس میں کاربن اور دھوئیں کی بڑی مقدار شامل ہے، شہر کو ڈھانپ لیتی ہے۔