اطلاعات فواد چوہدری نے پیر کو اپوزیشن کو وزیراعظم عمران خان کے خلاف تحریک عدم اعتماد پر ڈیل کی پیشکش کر دی ہے۔
صحافیوں سے گفتگو کرتے ہوئے وزیر اطلاعات نے کہا کہ اگر اپوزیشن تحریک عدم اعتماد واپس لیتی ہے تو دیکھتے ہیں کہ بدلے میں انہیں کیا دیا جا سکتا ہے۔
اسلام آباد ڈی چوک پر پی ٹی آئی کے آنے والے عوامی اجتماع کو تحریک عدم اعتماد پر ’’منی ریفرنڈم‘‘ قرار دیتے ہوئے فواد چوہدری نے کہا کہ ارکان اسمبلی ہجوم سے گزر کر قومی اسمبلی میں اپنا ووٹ کاسٹ کریں گے۔ انہوں نے امید ظاہر کی کہ وزیراعظم کی کال پر 10 لاکھ سے زائد لوگ جلسہ عام میں شرکت کریں گے۔
یہ بھی پڑھیں | ن لیگ کے تمام ایم این ایز نے شہباز شریف کو تحریک عدم اعتماد پر اپنی رائے سے آگاہ کیا
انہوں نے کہا کہ اپوزیشن دیکھے گی کہ عوام ہمارے ساتھ ہیں یا نہیں۔
ملک میں ایمرجنسی کے اعلان کے امکان کو مسترد کرتے ہوئے فواد چوہدری نے کہا کہ ’18ویں ترمیم کے بعد ایمرجنسی کے اختیارات محدود ہیں۔
موجودہ سیاسی صورتحال کا ذکر کرتے ہوئے فواد چوہدری نے کہا کہ اپوزیشن تحریک عدم اعتماد واپس لے کیونکہ اس سے سیاست میں تلخی آئی ہے۔ انہوں نے خدشہ ظاہر کیا کہ بڑھتی ہوئی سیاسی صورتحال ملک کو نقصان پہنچا سکتی ہے۔
