عمران عباس کا حالیہ زلزلے پر اظہار خیال
پاکستانی اداکار عمران عباس نے ملک کے مختلف شہروں میں آنے والے زلزلے پر اظہار خیال کرتے ہوئے کہا ہے کہ جب اخلاق نہیں کانپتا تو زمین کانپتی ہے۔
ملک کے مختلف علاقوں میں آنے والے شدید زلزلے کے نتیجے میں اب تک 9 افراد جاں بحق ہوگئے ہیں۔
یہ بھی پڑھیں |میش کا آج کا زائچہ دیکھئے
یہ بھی پڑھیں | سندھ: رمضان میں سکول ٹائمنگ کیا ہو گی؟
اللہ سے ڈرو، ظلم چھوڑ دو
اداکار عمران عباس نے اپنے انسٹاگرام اکاؤنٹ پر ایک پوسٹ شیئر کی جس میں انہوں نے اپنے خیالات کا اظہار کیا۔ انہوں نے مزید لکھا کہ اللہ کے عذاب سے ڈرو، یہ ظلم چھوڑ دو۔ تم کتنے لوگوں کے ساتھ ناانصافی کر رہے ہو، کتنے لوگوں کو مار رہے ہو اور کس کو مارنے کی سازش کر رہے ہو۔ اپنی موت کو کیوں بھول رہے ہو؟ توبہ کرو اور سوچو کہ اللہ چاہے تو تم سب کو ایک لمحے میں مٹی کے ڈھیر میں دفن کر سکتا ہے۔
اپنی طویل پوسٹ کے آخر میں اداکار نے یہ بھی لکھا کہ اب بھی وقت ہے سوچنے کا، ایسا نہ ہو کہ توبہ کا موقع نہ ملے۔
