عمران خان کو گولیاں نہیں ٹکڑے لگے؛ وزیر آباد فرانزک رپورٹ میں انکشاف

عمران خان پر گزشتہ سال قاتلانہ حملہ ہوا

پاکستان تحریک انصاف (پی ٹی آئی) کے چیئرمین عمران خان کو گزشتہ سال قاتلانہ حملے میں تین گولیاں لگیں۔ عمران خان پر یہ حملہ اس وقت ہوا جب وہ حکومت مخالف ایک ریلی کی قیادت کر رہے تھے۔

 سابق وزیر اعظم 3 نومبر کو وزیر آباد میں  اپنے قافلے کی قیادت کرتے ہوئے ان کے اوپن ٹاپ کنٹینر ٹرک پر گولی لگنے سے زخمی ہو گئے تھے۔ واقعے میں ایک شخص جاں بحق جبکہ پی ٹی آئی چیئرمین کے قریبی حلقے کے متعدد ارکان زخمی ہو گئے تھے۔ 

عمران خان کو گولیاں نہیں بلکہ گولیوں کے ٹکڑے لگے

اس حملے کی فرانزک رپورٹ میں اب انکشاف ہوا ہے کہ سابق وزیراعظم کو گولیاں نہیں بلکہ تین گولیوں کے ٹکڑے اور ایک دھاتی ٹکڑا لگا۔ 

رپورٹ میں کہا گیا ہے کہ عمران خان کے جسم سے ایک سیل شدہ پارسل جس میں پلاسٹک کے چار کنٹینرز، دو خراب گولیاں (آئٹم بی8 اور بی11)، ایک چھوٹا دھاتی ٹکڑا (آئٹم بی19) اور ایک گولی کی جیکٹ (آئٹم بی10) برآمد ہوئی ہے۔ 

 رپورٹ کے مطابق وزیر آباد میں ٹرک کے بائیں جانب سے اس وقت گولیاں چلائی گئیں جب مارچ اسلام آباد کی جانب بڑھ رہا تھا۔

میڈیکو لیگل نے رپورٹ فرانزک کے لیے بھیج دی

 عمران خان کے ٹرک پر فائر کیے گئے دس گولیوں کے خول جائے وقوعہ سے ملے ہیں جنہیں تفتیش کے لیے بھیجا گیا ہے۔ جناح اسپتال کے میڈیکو لیگل نے رپورٹ فرانزک کے لیے بھیج دی تھی۔

یہ بھی پڑھیں | پنجاب میں خفیہ ایجنسی کے دو اہلکار قتل

یہ بھی پڑھیں | راولپنڈی، اسلام آباد میں آٹے کی قیمتوں میں اضافہ

 فرانزک سائنس لیبارٹری کو پارسل میں 33 شواہد بھیجے گئے۔ رپورٹ میں کہا گیا ہے کہ کیپیٹل سٹی پولیس آفس (سی سی پی او) لاہور، ڈسٹرکٹ پولیس آفس (ڈی پی او) وزیر آباد اور انکوائری کرنے والی مشترکہ تحقیقاتی ٹیم (جے آئی ٹی) کے ارکان کی جانب سے شواہد جمع کرائے گئے۔ 

معظم گوندل کی پوسٹ مارٹم رپورٹ

 مزید یہ کہ آزادی مارچ میں جاں بحق ہونے والے پی ٹی آئی کارکن معظم گوندل کی پوسٹ مارٹم رپورٹ بھی منظر عام پر آ گئی ہے۔

پوسٹ مارٹم رپورٹ کے مطابق ایک گولی معظم گوندل کے سر کے پچھلے حصے میں لگی جو اس کے ماتھے سے گزری۔ رپورٹ میں مزید بتایا گیا کہ گولی اونچائی سے چلائی گئی جس سے پی ٹی آئی کا کارکن موقع پر ہی جاں بحق ہوگیا۔

جے آئی ٹی

انکوائری کرنے والی جے آئی ٹی نے اس سے قبل اپنے کام کو آگے بڑھانے کے لیے ماہرین کا ایک بورڈ تشکیل دینے کا فیصلہ کیا تھا۔ 

 کیس کے تین ملزمان نوید، خرم اور وقاص پولیس کی حراست میں ہیں۔